ہنڈا کے بعد یاماہا بائکس کی قیمتوں میں بھی اضافہ

ہنڈا کیجانب سے قیمتیں بڑھانے کے بعد اب یاماہا نے بھی بائکس کی قیمتوں میں اضافہ کر دیا ہے۔ یاماہا کی جانب سے رواں سال یہ تیسرا اضافہ ہے۔ نئی قیمتوں کا اطلاق کل 3 جون سے ہو جائے گا۔

یاماہا بائکس کی نئی قیمتیں

• یاماہا YB125Z (سرخ/سیاہ) کی قیمت میں 21000 روپے کا اضافہ کیا گیا ہے۔ جس کے بعد بائیک کی قیمت 210500 روپے سے بڑھ کر 231500 روپے ہو گئی ہے۔
• یاماہا YB125Z-DX کی قیمت 226000 روپے سے بڑھ کر  248500روپے ہو چکی ہے۔ یعنی بائیک کی قیمت میں 22,500 روپے کا اضافہ کیا گیا ہے۔
• یاماہا YBR 125 (ریڈ/بلیو/بلیک) کی قیمت میں 23000روپے کا اضافہ کیا گیا ہے۔ جس کے بعد بائیک کی قیمت  232000روپے سے بڑھ کر 255000 روپے ہو گئی ہے۔
• دریں اثنا، YBR125G (سرخ/سیاہ) کی قیمت میں 23000 روپے کا اضافہ کیا گیا ہے۔ جس کے بعد بائیک کی قیمت 242000 روپے سے بڑھ کر 265500 روپے ہو گئی ہے۔
• دوسری جانب حال ہی میں لانچ ہونے والی یاماہا YBR125G (میٹ ڈارک گرے) کی قیمت میں 23500 روپے کا اضافہ کیا گیا ہے۔ جس کے بعد بائیک کی قیمت 245000 روپے سے بڑھ کر 268500 روپے ہو گئی ہے۔

قیمتوں میں اضافے کی وجہ؟

کمپنی نے ہمیشہ کی طرح قیمتوں میں اضافے کی کوئی معقول وجہ بیان نہیں کی اور ایک بار پھر روپے کی قدر میں کمی اور ڈالر کی شرح میں اضافہ کو قیمتوں میں اضافے کی وجہ قرار دیا گیا ہے۔

وزارت صنعت و پیداوار (MoIP) کی تازہ ترین رپورٹ میں ہماری بائیک انڈسٹری کی 90 فیصد لوکلائزیشن کا انکشاف کیا گیا ہے۔ یعنی، موٹر سائیکل کے زیادہ تر اجزاء مقامی فیکٹریوں میں تیار کیے جاتے ہیں۔ اگر ایسا ہے تو اِن بائک کمپنیز کے پاس ان قیمتوں میں اضافے کی کوئی وجہ نہیں ہے۔

بائکس کی قیمتوں میں بار بار اضافے کے بارے میں آپ کا کیا خیال ہے؟ کیا آپ کے خیال میں یہ جائز ہے؟ کیا ان قیمتوں نے آپ پر یا آپ کے بائک خریدنے کے منصوبے کو براہ راست متاثر کیا ہے؟ کمنٹس سیکشن میں اپنے خیالات کا اظہار کریں۔