ہنڈا بائکس کی قیمتوں میں اضافہ، CG 125 کی قیمت 2 لاکھ
ہنڈا موٹر سائیکل کی قیمتوں میں ایک ماہ کے اندر دوسری بار اضافہ کر دیا گیا ہے۔ اس سے قبل کمپنی نے 31 جنوری 2023 کو ہںڈا بائکس کی قیمتوں میں اضافہ کیا جس کے بعد ہنڈا CD70 کی قیمت بڑھ کر 129000 روپے ہو گئی اور اب ایک بار پھر قیمتوں میں اضافے کا اعلان کیا گیا ہے۔
نئی قیمتوں کا اطلاق 15 فروری سے ہوگا۔
ہنڈا بائکس کی نئی قیمتیں
- کمپنی کی سب سے مشہور بائیک ہنڈا سی ڈی 70 کی قیمت میں 9000 روپے اضافہ کیا گیا ہے جس کے بعد بائک کی قیمت 128900 روپے سے بڑھ کر 137900 روپے ہو چکی ہے۔
- اسی طرح سی ڈی 70 ڈریم کی قیمت میں بھی 9600 روپے اضافہ کیا گیا ہے جس کے بعد بائک کی قیمت 137900 روپے سے بڑھ کر 147500 روپے ہو چکی ہے۔
- ہنڈا پرائڈر کی قیمت میں 10600 روپے اضافہ دیکھا گیا ہے جس کے بعد بائک کی نئی قیمت 181500 روپے ہو چکی ہے جبکہ پرانی قیمت 170900 روپے تھی۔
- ہنڈا سی جی 125 کی قیمت میں 11000 روپے کا اضافے کے بعد بائک کی قیمت 194900 روپے سے بڑھ کر 205900 روپے ہو چکی ہے۔
- سپیشل ایڈیشن سی جی 125 کی قیمت 230900 روپے سے بڑھ کر 243900 روپے ہو چکی ہے۔ یعنی بائک کی قیمت میں 13000 روپے کا اضافہ کیا گیا ہے۔
- ہنڈا CB 125 F کی قیمت میں 25000 روپے اضافہ دیکھا گیا ہے جس کے بعد بائک کی نئی قیمت 330900 روپے ہو چکی ہے جبکہ پرانی قیمت 305900 روپے تھی۔
- ہنڈا CB 150 F’s کی قیمت میں 35000 روپے اضافہ کیا گیا ہے جس کے بعد بائک کی قیمت 383900 روپے سے بڑھ کر 418900 روپے ہو چکی ہے۔
- آخر میں ہنڈا CB 150F SE کی قیمت میں 35000 روپے اضافہ کیا گیا ہے جس کے بعد بائک کی قیمت 387900 روپے سے بڑھ کر 422900 روپے ہو چکی ہے۔
جیسا کہ پہلے ذکر کیا گیا ہے کہ یہ ایک پندرہ دن کے اندر قیمتوں میں دوسرا اضافہ ہے، جس سے عوام پر مزید بوجھ پڑے گا۔ کاروں کی قیمتوں کے ساتھ ساتھ عوامی سواری سمجھی جانے والی بائک بھی عام آدمی کی پہنچ سے باہر ہوتی جارہی ہیں۔ اگرچہ ہنڈا اپنی موٹر سائیکل کو مقامی طور پر تیار کرنے کا دعویٰ کرتا ہے، لیکن پھر بھی جیسے ہی فاریکس ایکسچینج میں تبدیلی آتی ہے تو کمپنی بڑھا دیتی ہے۔
ہنڈا بائیکس کی قیمتوں میں نئے اضافے پر آپ کا کیا خیال ہے؟ کیا آپ 2 لاکھ روپے کی CG 125خریدیں گے؟ کمنٹس سیکشن میں اپنے خیالات کا اظہار کریں۔
