پاکستان سپر لیگ (پی ایس ایل) میں لیفٹ ہینڈ سٹائلش بلے باز بابر اعظم کی یادگار اننگز کے بعد ایم جی پاکستان کے پوسٹر بوائے، یعنی کہ جاوید آفریدی نے بڑا اعلان کیا ہے۔ جاوید آفریدی نے اپنی ٹویٹ میں کہا ہے کہ بابر اعظم مقامی طور پر اسمبل شدہ ایم جی ایچ ایس ایسنس کے پہلے وصول کنندہ ہوں گے۔ یعنی کہ بابر اعظم کو پاکستان میں تیار کردہ پہلی MG HS ایسنس تحفے میں دی جائے گی۔
MG GIFT FOR BABAR AZAM. @babarazam258
HE WILL BE THE FIRST ONE TO DRIVE MG ESSENCE.
MADE IN PAKISTAN #HBLPSL۹ @MGPakistan pic.twitter.com/IFo3hK8HSb— Javed Afridi (@JAfridi10) February 26, 2024
گزشتہ روز دنیا کے سب سے سٹائلش کور ڈرائیو والے بلے باز بابر اعظم نے صرف 63 گیندوں پر 111 رنز کی دھواں دار سنچری اسکور کی۔ یہ بابر کی 11ویں ٹی ٹوئنٹی سنچری ہے اور حیران کن طور پر بابر اعظم نے کرکٹ کی دنیا میں ریکارڈ توڑنے کا سلسلہ جاری رکھا ہوا ہے۔ ایک اور ٹوئٹ میں جاوید آفریدی نے پاکستان کی کرکٹ ٹیم کے سابق کپتان کی تعریف کرتے ہوئے کہا کہ یہ بابر اعظم کا دور ہے اور انہوں نے اپنی بادشاہت کو درست ثابت کیا ہے۔
ERA OF BABAR 🐐
JUSTIFIED HIS KINGDOM #PZvsIU pic.twitter.com/KFgYXSTlSR— Javed Afridi (@JAfridi10) February 26, 2024
بابر اعظم کی کار کلیکشن
بابر اعظم کو کاریں بہت پسند ہیں اور وہ مختلف مہنگی اور خوبصورت گاڑیوں کے مالک ہیں۔ ان کی پسندیدہ کار آڈی A5 ہے اور وہ اسے پاکستان میں چلانا پسند کرتے ہیں۔ مزید برآں، بلے باز کے پاس BJ40 پلس بھی ہے جو انھوں نے پاکستان اور آسٹریلیا کے درمیان سیریز میں جیتی تھی۔ اس کے علاوہ ان کے پاس ایک اور سیڈان ہیونڈائی سوناٹا بھی ہے جس میں وہ پاکستان کرکٹ بورڈ (پی سی بی) کی ایک تقریب کے دوران نظر آئے تھے۔
گزشتہ سال ان کے خاندان نے سری لنکا کے دورے کے بعد انہیں ایک آڈی ای-ٹرون جی ٹی تحفہ میں دی تھی۔ انکے بھائی نے کار خریدنے کا سارا عمل شیئر کیا اور ایک ویڈیو میں بابر کو یہ کار گفٹ کی، جسے آپ یہاں دیکھ سکتے ہیں۔ ایم جی ایچ ایس ایسنس کا یہ نیا اضافہ بابر اعظم کی کار کلیکشن میں ایک دلچسپ اضافہ ہوگا۔ واضح رہے کہ جاوید آفریدی پشاور زلمی کے مالک ہیں جس کی کپتانی بابر اعظم گزشتہ دو سیزن سے پی ایس ایل میں کر رہے ہیں۔
بابر اعظم کو ایم جی ایچ ایس ایسنس کے اس تازہ ترین تحفے پر آپ کی کیا رائے ہے؟ کمنٹس سیکشن
