یارس ایرو کی بکنگ اور ڈلیوری

گزشتہ ماہ اپریل میں انڈس موٹر کمپنی نے ٹویوٹا یارس ایرو کے نام سے نیا ویرینٹ متعارف کروایا۔ گاڑی کے فرنٹ، سائیڈز اور پچھلے حصے میں کچھ تبدیلیاں کی گئیں تھیں۔ یہ دو ویرینٹس یارس ایرو 1.3CVT (1329) اور یارس ایرو 1.5 CVT (1469)۔ ان ویرینٹس کی قیمت بتدریج 5199000 روپے اور 5969000 روپے رکھی گئی ہے۔ یہ دونوں پرانے ویرینٹس سے 200000 روپے مہنگے ہیں۔

یارس ایرو میں کی گئی تبدیلیاں یہ ہیں:

• فوگ لیمپس کے ساتھ ایرو فرنٹ بمپرایکسٹنشن
• ایرو سائیڈ سکرٹس
• ایرو سمارٹ رئیر ٹرنک سپوائلر

 ٹویوٹا یارس ایرو کی بکنگ اور ڈیلیوری

یہ نیا ویرینٹ آخر کار ملک بھر میں ٹویوٹا پاکستان کی ڈیلرشپ پر پہنچ چکا ہے۔ اگر آپ خریدنا چاہتے ہیں تو آپ قریبی ڈیلرشپ پر جا سکتے ہیں۔ دونوں نئے ویریئنٹس کی بکنگ کھلی ہے، تاہم ڈیلیوری کی تاریخوں میں تھوڑا سا فرق ہے۔

کمپنی کے نمائندے کے مطابق، 1.5L ویرینٹ جون 2023 میں گا جبکہ 1.3L ویریئنٹ جولائی میں ڈیلیور کیا جائے ۔ انہوں نے مزید کہا کہ ان کاروں میں ڈیلیوری کا کوئی مسئلہ نہیں ہے، اس لیے آپ انہیں بک کر کے دو ماہ کے اندر حاصل کر سکتے ہیں۔

ٹویوٹا یارِس 2020 میں اپنے آغاز کے بعد سے انڈس موٹر کمپنی کے لیے سب سے زیادہ فروخت ہونے والی کار ہے۔ ٹویوٹا کی اس کار کو کافی قابل اعتماد سمجھا جاتا ہے اور سب سے بڑھ کر اس کی ری سیل بھی اچھی ہے۔ مزید برآں، سپئیر پارٹس وغیرہ بھی مقامی مارکیٹ میں آسانی سے دستیاب ہیں۔ یہ وجہ ہے کہ یہ صارفین کی پسندیدہ کار ہے۔ کمپنی کو امید ہے کہ اس نئی ایرو کِٹ سے فروخت میں اضافہ ہوگا۔

کیا آپ کو لگتا ہے کہ ٹویوٹا یارس ایرو کی نئی کٹ گاڑی کی فروخت میں اضافہ کرے گی؟ کیا آپ اس کار کو بُک کرنے کا ارادہ رکھتے ہیں؟ کمنٹس سیکشن میں ہمیں بتائیں۔