MG کے مداحو کے لیے اچھی خبر یہ ہے کہ MG HS ایکسکلوژیو کی بُکنگ دوبارہ کھول دی گئی ہے۔ MG پاکستان موٹرز کے آفیشل پیج کے مطابق صارفین 1150000 روپے ادا کر کے گاڑی کی بکنگ کروا سکتے ہیں۔ کمپنی کی جانب سے دعوی کیا گیا ہے کہ HS Exclusive پاکستان کی بہترین لگژری ایس یو وی ہے۔ MG HS ایکسکلوژیو کی قیمت 5749000 روپے ہے۔
MG HS ایکسکلوژیو مکمل طور پر ڈیجیٹل سپیڈومیٹر اور ایک اضافی رنگ سلور کے ساتھ آتی ہے۔ ان دو خصوصیات کے اضافے کے بعد کمپنی نے مئی 2021 میں گاڑی کی قیمت میں 300000 روپے کا اضافہ کیا تھا۔
MG HSکی ڈیلیوریز میں تاخیر کا مسئلہ
دیگر کار کمپنیز کی طرح MG کو بھی گاڑیوں کی ڈٰیلیوریز میں تاخیر کا سامنا کرنا پڑ رہا ہے۔ اس مسئلے پر بات کرتے ہوئے کمپنی آفیشلز کا کہنا ہے کہ عالی سطح پر سیمی کنڈکٹر چپس کی قلت کی وجہ سے پوری بین الاقوامی آٹوموٹو انڈسٹری متاثر ہو رہی ہے اور اس مسئلے سے نمٹنا کسی کے بھی بس کی بات نہیں ہے۔
کمپنی نے اپنے صارفین پر زور دیتے ہوئے کہا ہے کہ وہ کمپنی پر اعتماد کریں اور اس مشکل وقت میں تعاون کرتے ہوئے صبر کا مظاہرہ کریں۔ دریں اثنا، ایم جی پاکستان کے نمائندے جاوید آفریدی نے کہا کہ MG کا مقصد مناسب قیمتوں پر جدید ترین گاڑیاں فراہم کرنا ہے۔ جاوید آفریدی کا کہنا تھا کہ لوگوں نے بڑی تعداد میں گاڑیاں بُک کروائی ہیں۔ تاہم دیگر کمپنیوں کی طرح ایم جی بھی عالمی وبا کورونا کے پھیلاؤ ی وجہ سے متاثر ہوئی ہے۔ انھوں نے مزید کہا کہ کمپنی اس مسئلے کو حل کرنے کے لیے انتھک محنت کر رہی ہے اور اس دوران صارفین سے کہا کہ وہ اس آزمائش میں کمپنی ساتھ کھڑے ہوں۔
MG HS Exclusive کی لانچنگ کے بعد مقامی مارکیٹ میں ہلچل کا سماں نظر آیا، صارفین نے بڑی تعداد میں اس گاڑی کی بُکنگ کروائی۔ اس کے علاوہ کمپنی کی جانب سے دیگر کئی گاڑیوں کی لانچنگ کا اشارہ بھی دیا گیا ہے جن میں MG3, MG5 اور MG گلاسٹر شامل ہیں۔ اگر کمپنی پاکستان میں یہ گاڑیاں بھی لانچ کرتی ہے تویہ گاڑیاں بھی یقینا مقامی مارکیٹ پر چھا جائیں گی۔
MG HS ایکسکلوژیو کی بُکنگ دوبارہ کھلنے پر آپ کیا سوچتے ہیں؟ نیچے دئیے گئے کمنٹ سیکشن میں اپنے خیالات یا تجربے کا اظہار کریں۔
