مقامی کار انڈسٹری کی صورتحال روز بروز بدتر ہوتی جارہی ہے کیونکہ اس شعبے سے کوئی اچھی خبر نہیں آرہی ہے۔ اس کی متعدد وجوہات ہیں جیسا کہ امریکی ڈالر کے مقابلے روپے کی قدر میں کمی، معاشی عدم استحکام، سٹیٹ بینک آف پاکستان (SBP) کی جانب سے لیٹر آف کریڈٹ (LC) کا جاری نہ ہونا اور سیاسی غیر یقینی صورتحال وغیرہ۔
انہی وجوہات کی بنا پر، خاص طور پر لیٹر آف کریڈٹس کی وجہ سے کمپنیاں آنے والے دنوں میں اپنی پروڈکشن کو روکنے کے لیے بکنگ کو معطل کر رہی ہیں، یعنی ڈیلیوری میں مزید تاخیر ہو گی۔
گزشتہ ہفتے پبلک اکاؤنٹس کمیٹی (PAC) کے دوران آٹو انڈسٹری بحث کا مرکز رہی۔ اجلاس کے دوران پی اے سی کو بتایا گیا کہ روپے صارفین نے کار کمپنیوں کو پیشگی ادائیگی کے طور پر 189 ارب روپے جمع کرائے ہیں۔
- ٹویوٹا انڈس موٹرز– 2 بلین روپے
- پاک سوزوکی موٹرز کمپنی لمیٹڈ – 35.4 بلین روپے
- ہونڈا اٹلس کارز -8 بلین روپے
- ماسٹر چنگن موٹرز – 11 ارب روپے
- کِیا لکی موٹرز – 10.6 بلین روپے
- ہنڈائی نشاط موٹرز – 6.9 بلین روپے
- الحاج آٹوموٹیو (پروٹون پاکستان) – 1.7 بلین روپے
- گندھارا نیسان لمیٹڈ –6 بلین روپے
- سازگار انجنئیرنگ ورکس لیمیٹڈ – 0.7 بلین روپے
- ریگل آٹوموبائل – روپے 0.3 بلین روپے
پی اے سی کو ایک کار ساز کمپنی نے یہ بھی بتایا کہ حکومت نے اسمبلرز سے پوچھا تھا کہ اگر وہ گاڑیاں وقت پر نہیں پہنچا سکتے تو وہ صارفین سے بڑی تعداد میں بکنگ کیوں لے رہے ہیں۔
گاڑیوں کی پیداوار معطل
جیسا کہ ہم نے آپ کو بتایا ہے کہ انڈس موٹرز نے بنیادی طور پر ایل سی کے مسئلے کی وجہ سے آئندہ ماہ تک پیداوار کو عارضی طور پر روک دے گا۔ اسی طرح کیا لکی موٹرز نے بھی رواں ماہ میں تین سے چار دن تک پروڈکشن نہیں کی اور اگر LC کا مسئلہ حل نہ ہوا تو کمپنی ایک ہی شفٹ میں کام کرنے کا منصوبہ بنا رہی ہے۔
دریں اثناء،ہنڈا نے عید کی تعطیلات کی وجہ سے موجودہ مہینے میں ایک سے دو دن تک پرڈکشن بند رکھی۔ تاہم، کمپنی کے پاس اس سے متعلق مستقبل کیلئے کوئی منصوبہ نہیں ہے۔
امید ہے کہ کار انڈسٹری جلد ہی ان خراب حالات پر قابو پا لے گی اور پیداوار اور ترسیل دوبارہ شروع ہو جائے گی۔
ان مسائل کے بارے میں آپ کا کیا خیال ہے؟ کمنٹس سیکشن میں اپنے خیالات کا اظہار کریں۔
