چنگان پاکستان نے کارواں پر نئی آفر لگا دی

چنگان پاکستان نے ملک میں 40000 یونٹس کی پیداوار کے جشن کو جاری رکھتے ہوئے اپنی ایم پی وی چنگان کارواں کے لیے ایک بہترین آفر کا اعلان کیا ہے۔ ایک سوشل میڈیا پوسٹ میں کمپنی نے لکھا ہے کہ چنگان پاکستان میں 40000 یونٹس کی پیداوار کی یاد میں ہم آپ کے لیے چنگان کارواں پر خصوصی 40 فیصد ڈسکاؤنٹ سروس پیکیج لائے ہیں۔ کار کمپنیز نے صارفین پر زور دیا کہ وہ پیشکش کا فائدہ اٹھانے کے لیے اپنے قریبی ڈیلرشپ سے رابطہ کریں۔

خیال رہے کہ یہ پیشکش صرف 23 فروری سے 25 فروری 2024 تک کارآمد ہے۔ لہذا، اگر آپ چنگان کارواں کے مالک ہیں، تو ان تاریخوں کے دوران اپنی قریبی ڈیلرشپ پر جائیں اور اس پیشکش سے فائدہ اٹھائیں۔

اس آفر کی وضاحت کرتے ہوئے کمپنی نے ذکر کیا ہے کہ رعایت ذیل میں دی گئی سروسز پر ہے:

• انجن آئل اور آئل فلٹر کی تبدیلی
• وہیکل انسپیکشن
• ٹاپ واش

اوشان X7 پر آفر

خیال رہے کہ چنگان پاکستان کی جانب سے پاکستان میں 40000 یونٹس کی پیداوار پر دی گئی یہ پہلی آفر نہیں ہے۔ اس سے پہلے کمپنی نے  Oshan X7 کے لیے بھی ایک پیشکش کا اعلان کیا تھا۔ نئے سال کے آغاز کے ساتھ ہی کمپنی نے اوشان X7 کے دونوں ویرینٹس کی قیمت میں 300000 روپے کمی کا اعلان کیا تھا۔ خیال رہے کہ یہ آفر صرف 29 فروری تک کار آمد تھی۔

اس طرز کی ڈیلز کو مزید بہتر بنانے کیلئے کمپنی حبیب میٹرو بینک کے ساتھ مل کر 17 فیصد کے کم ترین مارک اپ پیش کرنے کے لیے بھی کام کر رہی ہے، جس سے 532000 روپے تک کی بچت ہوگی۔ چنگان پاکستان کی گاڑیاں، کارواں اور اوشان X7 مقامی صارفین کے درمیان کافی مقبول ہیں کیونکہ کاروان نے سوزوکی بولان کی مارکیٹ کو اپنی کمفرٹ اور زیادہ آپشنز کی وجہ سے اپنی طرف متوجہ کر لیا ہے۔

کاروان پر چنگان پاکستان کی اس تازہ ترین پیشکش پر آپ کی کیا رائے ہے؟ کمنٹس سیکشن میں ہمیں بتائیں۔