چنگان نے ایلسوین اور کارواں کی قیمتوں میں کمی کردی

پاکستان میں کام کرنے والی تمام آٹو کمپنیز نئی آٹو پالیسی متعارف کروانے جانے کے بعد گاڑیوں کی قیمتوں میں کمی کر رہی ہیں۔ چنگان نے بھی ایلسوین اور کارواں کی قیمتوں میں کمی کر دی ہے۔ چنگان ایلسون اور کارواں کی قیمتوں میں کمی نئی آٹو پالیسی کے تحت کی گئی ہے جو کہ ذیل میں تفصیل سے درج ہے۔

ایلسون کی نئی قیمتیں:

چنگان ایلسون کی پہلی کار چنگان Alsvin 1.3 M/T Comfort کی قیمت میں 50000 روپے کی کمی کی گئی ہے جس کے بعد گاڑی کی قیمت 2,199,000 روپے سے کم ہو کر2,149,000 روپے ہو گئی ہے۔ اسی طرحAlsvin 1.5L DCT Comfort کی قیمت میں بھی 50000 روپے کی کمی کی گئی ہے جس کے بعد گاڑی کی قیمت 2,449,000 روپے سے کم ہو کر 2,399,000 روپے ہو گئی ہے۔ Alsvin 1.5L DCT Lumiere  کی قیمت میں 61000 روپے کی کمی کے بعد گاڑی کی نئی قیمت 2,589,000 روپے ہو گئی ہے جبکہ پرانی قیمت 2,650,000 روپے ہے۔

کارواں کی قیمتوں میں کمی:

مارکیٹ میں چنگان کارواں کے دو ویرینٹس پائے جاتے ہیں۔ پہلے ویرینٹ  Karvaan Base Model 1.0 کی قیمت میں 91000 روپے کی کمی کے بعد گاڑی کی نئی قیمت 1,399,000 روپے ہو گئی ہے جبکہ پرانی قیمت 1,490,000 روپے ہے۔ اسی طرح دوسرے ویرینٹ کارواں پلس کی قیمت میں 101000 روپے کی کمی کی گئی ہے جس کے بعد گاڑی کی قیمت 1,640,000 روپے سے کم ہو کر 1,539,000 روپے ہو گئی ہے۔

آپ کو بتاتے چلیں کہ یہ Ex-factory کا پرائزز ہیں۔

گزشتہ ہفتے وفاقی حکومت کی جانب سے آٹو پالیسی کا اعلان کیا گیا تھا۔ وفاقی وزیر صنعت و پیداوار خسرو بختیار نے پریس کانفرنس سے خطاب کرتے ہوئے نئی آٹو پالیسی کی تفصیلات شئیر کیں جو کہ ذیل میں درج ہیں:

گاڑیوں کی قیمتوں میں کمی:

• آئندہ 1 سے 2 دن میں نئی​​ قیمتوں کو لاگو کیا جائے گا
• 850 سی سی تک کاروں کی قیمت 104458 روپے سے 142388 روپے تک کم ہوجائے گی
• 1001سی سی اور 1500 سی سی کے درمیان پائی جانے والی گاڑیوں کی قیمتیں 1112118 روپے سے 186375 روپے تک کم ہوں گی
• 1000 سی سی سے اوپر گاڑیوں کے CKD یونٹس پرایڈیشنل کسٹم ڈیوٹی 7٪ سے کم کرکے 2٪ کردی گئی ہے۔ دریں اثنا 1000 سی سی تک کاروں پر ایڈیشنل کسٹم ڈیوٹی صفر ہوگی
• 1800 سی سی کیٹیگری کے لئے 1،979،958 روپے اور 2000 سی سی کاروں کے لئے 229،458 روپے کم کیے جائیں گے۔

الیکڑک وہیکلز:

• ایک سال کے لئے CBUالیکٹرک وہیکلز پر امپورٹ ڈیوٹی 25 فیصد سے کم کرکے 10 فیصد کردی جائے گی۔
• الیکٹرک وہیکلز کے حصوں درآمد پر 1 فیصد کسٹم ڈیوٹی