پاکستان میں ووکس ویگن کے پلانٹ کی تعمیر کے بارے میں خبر سوشل میڈیا پر گردش کر رہی ہے، اور اب ہم اس کی تصدیق کر سکتے ہیں کہ یہ درست خبر ہے۔ ہمارے ذرائع کے مطابق تعمیر کا آغاز اسی سہ ماہی میں شروع ہو جائے گا۔ یہ واقعی ایک زبردست خبر ہے!
ذرائع کا مزید کہنا ہے کہ “پلانٹ تقریباً 2 سال میں تعمیر ہوگا۔”
پاکستان میں ووکس ویگن کی گاڑیاں:
2018 میں ووکس ویگن اے جی اور پریمیئر موٹرز لمیٹڈ نے کمرشل گاڑیاں بنانے کے لیے ہینوور، جرمنی میں حتمی معاہدے پر دستخط کیے تھے۔ معاہدے کے تحت کمپنی پاکستان میں نئی گاڑیاں اور ایک اسمبلی یونٹ بنانے کے لیے 135 ملین ڈالرز کی سرمایہ کاری کرے گی۔
خبروں کے مطابق جرمن کمپنی پاکستان میں ایماروک ٹرک اور ٹرانسپورٹر وین بنائے گی۔ ایماروک ٹرک ٹویوٹاہائی لکس اور اسوزو ڈی-میکس کا مقابلہ کریں گے۔ جبکہ ٹرانسپورٹر ہیونڈائی گرینڈ اسٹاریکس اور کیا گرینڈ کارنیوَل کا مقابلہ کرے گی۔
ووکس ویگن کا اسمبلی پلانٹ سالانہ 28,000 گاڑیوں کی پیداوار کی گنجائش رکھے گا۔ لیکن کووِڈ-19 پلانٹ کی تعمیر میں تاخیر کا باعث بنا۔ اس سے پہلے کمپنی 2021 میں پروڈکشن کا آغاز کرنا چاہ رہی تھی۔
پریمیئر موٹرز 10 سے زیادہ سالوں سے پاکستان میں آؤڈی کی گاڑیاں فروخت کر رہا ہے۔
معاہدہ:
2017 میں خوب چرچا ہوا تھا جب ووکس ویگن اور پریمیئر موٹرز لمیٹڈ 22 جون 2017 کو ایک معاہدے پر دستخط کیے تھے۔ ووکس ویگن کے بورڈ آف مینجمنٹ کے رکن ڈاکٹر جوزف بومرٹ نے وزیر اعظم نواز شریف سے ملاقات کی تھی۔ وزیر اعظم نے انہیں یقین دلایا تھا کہ حکومت یقینی بنائے گی کہ کمپنی کو تمام سہولیات اور ضرورت کی ہر مدد فراہم کی جائے گی۔
کیا آپ ووکس ویگن کی آمد پر خوش ہیں؟ کمپنی نے آپ کی توقعات کیا ہیں؟
آٹوموبائل انڈسٹری کے حوالے سے مزید نیوز، ویوز اور ریویوز کے لیے پاک ویلز بلاگ پر آتے رہیں۔
