سازگار انجینئرنگ کی جانب سے پاکستان میں پہلی مقامی طور پر اسمبل شدہ SUV جسے ہیوال H6 HEV کا نام دیا گیا ہے، لانچ کرنے کے بعد، ریگل آٹوموبائلز نے بھی اپنی لائن اپ میں الیکٹرک اور ہائبرڈ کاریں شامل کرنے کا منصوبہ بنایا ہے۔ کمپنی کے سوشل میڈیا پیجز پر آنے والے منصوبے کو سے متعلق ایک پوسٹ شئیر کی گئی ہے۔
یہ بات قابل ذکر ہے کہ پوسٹ میں دکھائی گئی گاڑی مکمل طور پر الیکٹرک سب کومپیکٹ کراس اوور ہے، “Seres S3” ہے جس کا سٹائل اور ڈیزائن ڈی ایف ایس کے گلوری 500 سے ملتا جلتا ہے جبکہ مارکیٹ میں اس کار کا براہ راست مقابلہ MG ZS EV سے کیا جاتا ہے۔
یہ کار فرنٹ ایکسل پر الیکٹرک موٹر اور kWh 52 کی بیٹری پیک سے لیس ہے جس کی رینج 230 کلومیٹر سے 405 کلومیٹر کے درمیان ہے۔ گاڑی میں دی گئی الیکٹرک موٹر 160 ہارس پاور اور Nm 300 ٹارک پیدا کرنے کی صلاحیت رکھتی ہے۔
Seres S3 کے فیچرز اور خصوصیات یہ ہیں:
- ڈوئل ایئر بیگ
- لین کیپنگ اسسٹ
- بلائنڈ سپاٹ مانیٹرنگ
- فارورڈ کولیژن وارننگ
- ایڈاپٹیو کروز کنٹرول
- آٹومیٹک ایمرجنسی بریکنگ
- ABS بریکس
- وہیکل ریورس اسسٹ
- ADAS
- بریک ہولڈ اسسٹ
- پینورامک سن روف
- فلوٹنگ 7 انچ ٹچ اسکرین
- ملٹی فنکشن سٹیئرنگ وہیل
- وائس کمانڈ
- آٹومیٹک ہیڈلائٹس
- الیکٹرانک پارکنگ بریک
مقامی طور پر تیار شدہ ہیوال H6 ہائبرڈ
ایس یو ویز کے بعد اب پاکستان میں ہائبرڈ گاڑیاں بھی تیار کی جا رہی ہیں۔ سب سے پہلے ایم جی اپنی SUV ایم جی ایچ ایس کا پلگ ان ہائبرڈ ویرینٹ پاکستان میں لایا۔ اور اب ہیوال نے H6 کا ہائبرڈ الیکٹرک وہیکل (HEV) کا پہلا یونٹ درآمد کیا ہے۔
سائز
ہیوال H6 کا ہائبرڈ ویرینٹ بالکل وہی سائز کا ہے جو سائز پٹرول ویرینٹ کا ہے۔ کار کی لمبائی میں 4653 ملی میٹر، چوڑائی 1886 ملی میٹر اور اونچائی 1724 ملی میٹر ہے۔ کار میں 210 ملی میٹر گراؤنڈ کلیئرنس اور 60 لیٹر فیول ٹینک دیا گیا ہے۔
کارکردگی
ہیوال H6 HEV میں 1500 سی سی ٹربو چارجڈ انجن دیا گیا ہے جو 147 ہارس پاور اور Nm 230 ٹارک پیدا کرتا ہے۔ ہائبرڈ ڈرائیو ٹرین DHT (ڈیڈیکیٹڈ ہائبرڈ ٹرانسمیشن) کے ساتھ 245 bhp کی مشترکہ طاقت اور 530 Nm کا مشترکہ ٹارک فراہم کرتی ہے۔ گاڑی میں سٹینڈ آؤٹ یوٹیلیٹی فیچر یہ ہو سکتا ہے کہ گاڑی کو اپنی ہائبرڈ فعالیت کے لیے کسی بیرونی چارجر یا پلگ ان سسٹم کی ضرورت نہیں ہے تاکہ وہ پوری صلاحیت پر کام کرے۔
