چند روز قبل سوشل میڈیا پر مختلف افواہیں اور رپورٹس گردش کرنے لگیں کہ ڈی ایف ایس کے کی ایس یو وی گلوری 580 پرو کی پروڈکشن روک دی گئی ہے۔ کچھ رپورٹس میں یہ دعویٰ بھی کیا گیا کہ کار بند کر دی گئی ہے۔ تاہم یہ افواہیں سراسر غلط اور بے بنیاد ہیں۔
کمپنی آفیشل کے مطابق گاڑی کی پروڈکشن بند نہیں ہوئی ہے اور ملک بھر میں بکنگ اور سیلز جاری ہیں۔ آفیشل نے مزید بتایا کہ سوشل میڈیا پر گردش کرنے والی خبریں بالکل درست نہیں ہیں کیونکہ ہم اپنے صارفین کو اب بھی کراس اوور ایس یو وی فروخت کر رہے ہیں۔ آفیشل نے مزید کہا کہ صارفین کو ان جھوٹی افواہوں پر یقین نہیں کرنا چاہیے اور کمپنی ڈیلرشپ سے ایسی خبروں کی تصدیق کرنی چاہیے۔
اس کے علاوہ کمپنی کے اہلکار نے مزید بتایا کہ کمپنی گلوری 580 پرو کی فوری ڈیلیوری دے رہی ہے۔ لہذا، جو کوئی بھی اس پروڈکٹ کو خریدنے میں دلچسپی رکھتا ہے وہ قریبی ڈیلرشپ پر جا کر معلومات حاصل کر سکتا ہے۔
گلوری 580 پرو کی نئی قیمت
چند ہفتے پہلے جب وفاقی حکومت نے مالیاتی بجٹ میں نئے ود ہولڈنگ ٹیکس کی تجویز پیش کی تو ہم نے اپنے ایک بلاگ میں آپ کو آگاہ کیا کہ بجٹ کی منظوری کے فوراً بعد گاڑیوں کی قیمتوں میں اضافہ کر دیا جائے گا اور دلچسپ بات یہ ہے کہ ایسا ہی ہوا۔
| Car Name | Price (PKR) | Current Tax | Proposed Tax (%) | Proposed Tax (PKR) | Difference in Tax (PKR) |
| DFSK Glory 580 pro | 6,790,000 | 50,000 | 2.00% | 135,800.00 | 85,800 |
| Prince K07 | 2,669,000 | 25,000 | 1.50% | 40,035.00 | 15,035 |
نئی ترمیم کے مطابق گاڑیوں پر وِد ہولڈنگ ٹیکس اب پہلے کی طرح ان کے انجن کپیسٹی کی بجائے ایکس فیکٹری قیمت پر وصول کیا جائے گا۔ اس اقدام نے کار سازوں پر زور دیا کہ وہ کار کی قیمتوں میں اضافہ کریں۔
کمپنی کے آفیشل نوٹیفکیشن کے مطابق گلوری 580 پرو کی قیمت میں 135800 روپے اضافہی کیا گیا ہے۔ اسی پرنس K07اور پرنس پرل کے لیے نیا ایڈوانس ٹیکس بالترتیب 26690 اور 9250 روپے ہے۔
گاڑی سے متعلق پھیلائی افواہ اور قیمت میں اضافے کے بارے میں آپ کا کیا خیال ہے؟ کمنٹس سیکشن میں ہمیں بتائیں۔
