گزشتہ ہفتے ہم نے ٹویوٹا لینڈ کروزر LC300 کی مقامی قیمت کے ساتھ ساتھ گاڑی کی فیچرز و دیگر خصوصیات شئیر کیں۔ پاکستان میں قابل ذکر فین فالوونگ رکھنے والی لینڈ کروزر LC300 نے صارفین کے درمیان کافی جوش و خروش پیدا کیا ہے کیونکہ ٹویوٹا پاکستان نے اس کی بُکنگ کھولنے کا اعلان کیا ہے۔
خیال رہے کہ یہ گاڑی ٹویوٹا نے امپورٹ نہیں کی بلکہ یہ نجی طور پر امپورٹ کی گئی ہے۔ یہ گاڑی فی الحال کراچی میں ہے اور ہم امید کر رہے ہیں کہ اگلے دو ہفتوں میں ایک اور یونٹ لاہور پہنچ جائے گا۔
LC 300 کے فیچرز و دیگر خصوصیات
گاڑی کے فیچرز و دیگر خصوصیات ذیل میں درج ہے۔
پرفارمنس
کمپنی نے گاڑی میں 3.5 لیٹر/V35A-FTS ٹوئن ٹربو V6 پیٹرول انجن دیا گیا ہے جو 409 ہارس پاور اور 650Nm ٹارک پیدا کرنے کی صلاحیت رکھتا ہے۔ اس کے علاوہ گاڑی میں 10 سپیڈ آٹومیٹک ٹرانسمشن اور آل ویل ڈرائیو جیسے فیچرز نظر آتے ہیں۔
ایکسٹیرئیر
گاڑی کے فرںٹ پر ڈائنامِک لیولِنگ کے ساتھ ایل ای ڈی ہیڈ لیمپس نظر آتے ہیں۔ اس کے علاوہ گاڑی میں انفینیٹی ٹیل لیمپس، پاورڈ ٹیل گیٹ سن روف اور 20/55/265 ٹائر سائز کے ساتھ 20 انچ کا الائے بھی دئیے گئے ہیں۔
اںٹیرئیر
گاڑی میں کی لیس انٹری اور ہیٹِڈ وینٹی لیٹِڈ لیدر سیٹس دی گئی ہیں۔ مزید برآں، گاڑی 4 زون انڈپینڈنٹ سیٹ کنٹرول کے ساتھ آتی ہے، یعنی تمام قطاروں میں الگ الگ AC وینٹس ہوں گے۔ اس کے علاوہ سٹیئرنگ میں میڈیا کنٹرول کے ساتھ ٹِلٹ ایڈجسٹمنٹ بھی دی گئی ہے۔ گاڑی میں 7 انچ کا TFT LCD میٹر کلسٹر اور 12.5 انچ ٹچ سکرین انفوٹینمنٹ سسٹم ہے۔ آپ کو کار میں پش اسٹارٹ فیچر بھی ملے گا۔
سیفٹی
کمپنی نے گاڑی میں 13 ایئر بیگز دئیے ہیں۔ جو اس کار کو ڈرائیور اور مسافروں کے لیے بہت محفوظ بناتی ہے۔ دیگر حفاظتی خصوصیات میں کروز کنٹرول، ایکٹیو ٹریکشن کنٹرول، ٹیرین اسِسٹ، ملٹی ویو کیمرہ، فرنٹ + ریئر پارکنگ سینسرز، اور کرال کنٹرول شامل ہیں۔
کرال کنٹرول ایک نیا سیفٹی فیچر ہے جو کہ دشوار گزار راستوں اور کیچڑ وغیرہ میں پیش آنے والی مشکل صورتحال میں ڈرائیور کی مدد کرتا ہے۔ جب آپ کار کو اس سے باہر نکالنے میں ناکام رہتے ہیں، تو آپ کو صرف کرال فیچر کو آن کرنا ہوگا اور گاڑی کا کمپیوٹر گاڑی کو اس صورتحال سے باہر نکال لے گا۔
