گزشتہ ماہ، سازگار انجینئرنگ نے چین سے گریٹ وال موٹرز (GWM) کے تعاون سے پاکستان میں ہائبرڈ گاڑیوں کی لائن اپ میں ایک اور اضافہ کیا۔ گاڑی کا نام ٹینک 500 ہے جو کہ ایک بہترین اور خوبصورت ایس یو وی ہے۔ کمپنی نے گاڑی کی قیمت 4.5 ملین روپے مقرر کی ہے۔
اس سے قبل ایک بلاگ میں ہم نے آپ کو اس ایس یو وی کے فیچرز، قیمت، ڈلیوری اور بکنگ سے متعلق مکمل تفصیل سے آگاہ کیا جبکہ اس بلاگ میں ہم آپ کیلئے ٹینک کی خصوصی تصاویر لے کر آئے جن میں گاڑی کے انٹیرئیر اور ایکسٹیرئیر کو تفصیلی طور پر دیکھا جا سکتا ہے۔
ایکسٹیرئیر
گاڑی کے فرنٹ، رئیر اور سائیڈ پروفائل پر ہوم ہیڈ لیمپس کے ساتھ ایل ای ڈی آٹو آف، فرنٹ اور رئیر فوگ لیمپ، ایل ای ڈی ہائی ماونٹڈ بریک لیمپ، ڈی آر ایل، روف ریک، الیکٹرک ٹریڈ پلیٹ، کروم پلیٹ ڈور ہینڈلز، فرنٹ ریڈار، چیسس گارڈ بورڈ، پینورامک سن روف جیسے بہت سے فیچرز نظر آتے ہیں۔
انٹیرئیر
گاڑی کے انٹیرئیر کی بات کریں تو یہاں آپ کو ڈرائیور اور پیسنجر سیٹس تک کی لیس انٹری، مائیکرو فائبر لیدر سٹیئرنگ وہیل، لائٹ ایڈجسٹ کے ساتھ 12.3 انچ کلسٹر، کار پلے اور اینڈرائیڈ آٹو کے ساتھ 14.6 انچ کلر ملٹی ٹچ انفوٹینمنٹ سسٹم، وائرلیس چارجنگ کے ساتھ سیاہ انٹیریئر ملے گا۔ اس کے علاوہ یہاں ڈرائیونگ سیٹ کیلئے 8 وے الیکٹرک سیٹنگ جبکہ پیسنجر سیٹس کیلئے 6 وے الیکٹرک سیٹنگ ملتی ہے۔
آپ کو کون سی خصوصیات اور فیچرز یہاں سب سے زیادہ قابل ذکر لگتی کمنٹس سیکشن میں اپنے خیالات کا اظہار کریں۔
