کراس اوور ایس یو ویز کے شوقین افراد کیلئے اچھی خبر یہ ہے کہ پیجو 2008 کا پہلا مقامی طور پر تیار کردہ یونٹ آگیا ہے۔ سوشل میڈیا پر گردش کرنے والی ویڈیو میں مقامی سطح پر تیار کردہ پہلی پیجو 2008 کو دیکھا جا سکتا ہے۔
اس سے قبل کمپنی نے گاڑی کا سی بی یو یونٹ درآمد کیا اور مقامی سڑکوں پر ٹیسٹ کرنے کے بعد اس کو مقامی سطح پر تیار کیا۔ جس کے بعد اب اسے لانچ کرنے کرنے کی تیار کی جائے گی۔ دریں اثنا، کچھ کمپنیز نے یا تو صرف CBU یونٹس فروخت کیے ہیں یا CKD یونٹس بنانے سے پہلے بکنگ شروع کر دی جاتی تھی لیکن پیجو پاکستان نے اس روایت کو تبدیل کیا ہے۔
متوقع لانچ
ہمارے ذرائع کے مطابق گاڑی آئندہ چند ہفتوں میں پاکستان میں لانچ کر دی جائے گی۔
متوقع قیمت
رپورٹس کے مطابق گاڑی کی قیمت 45 سے 50 لاکھ کے درمیان ہوگی۔ تاہم، ابھی تک کسی چیز کی تصدیق نہیں ہوئی ہے کیونکہ کمپنی نے اس کے بارے میں کچھ بھی ظاہر نہیں کیا ہے۔
فیچر و دیگر خصوصیات
گاڑی کے فیچر و دیگر خصوصیات یہ ہیں جو کہ پیجو پاکستان کے فیس بُک پیج سے لیے گئے ہیں۔
پیمائش
گاڑی 4158 ملی میٹر لمبی، 1740 ملی میٹر چوڑی اور 1557 ملی میٹر اونچی جبکہ اس کی وہیل بیس 2538 ملی میٹر ہوگی۔ اس کے علاوہ گاڑی کی گراؤنڈ کلیئرنس 170 ملی میٹر ہے۔
انجن اور ٹرانسمشن
لکی موٹرز گاڑی کو 1200 سی سی MPI ٹربو انجن کے ساتھ لانچ کرے گا جو 130 ہارس پاور اور 230Nm ٹارک پیدا کرتا ہے۔ اسکے علاوہ گاڑی میں فرنٹ وہیل ڈرائیو (FWD) کے ساتھ 6 اسپیڈ آٹو ٹرانسمشن ہوگی۔
یہاں پر دلچسپ بات یہ ہے کہ اگرچہ کمپنی نے پیجو 2008 میں صرف ایک انجن دیا ہے لیکن ویب سائٹ پر ہائبرڈ LCD میٹر کی ایک تصویر موجود ہے۔ اس کے علاوہ ویب سائیٹ پر مزید یہ بھی لکھا گیا ہے کہ “صارفین کے مطالبات کو پورا کرنے کے لیے موثر پیٹرول انجنز سے لیس”۔ جس سے ظاہر ہوتا ہے کہ گاڑی کے مزید ویرینٹس بھی لانچ کیے جائیں گے۔ امید ہے کی انجن آپشنز میں شاید ہائبرڈ انجن متعارف کرائے جائے گا۔ اگر ایسا نہیں ہوتا تو یقینا انہوں نے اپنی بین الاقوامی ویب سائٹ سے ہی تمام معلومات کاپی کی ہیں۔
ایکسٹیرئیر
گاڑی میں ایل ای ڈی ہیڈ لائٹس اور ایل ای ڈی DRLs دئیے گئے ہیں۔ ویل سائز کی بات کی جائےتو یہاں 17 نچ کا الائے ویل نظر آتے ہیں۔ اس کے علاوہ گاڑی میں پینورامک سن روف بھی دیا گیا ہے۔
انٹیرئیر
اس کراس اوور ایس یو وی میں 7 انچ کی فلوٹنگ انفوٹینمنٹ ٹچ سکرین اور سنگل زون آٹو کلائمیٹ کنٹرول جیسے فیچر دئیے گئے ہیں۔ گا ڑی میں سمارٹ کی انٹری، پش سٹارٹ بٹن اور کروز کنٹرول دیا گیا ہے۔ یہ خصوصیات ظاہر کرتی ہیں کہ گاڑی میں متعدد جدید آپشنز اور خصوصیات موجود ہیں۔
سیفٹی فیچرز
سیفٹی فیچرز کی بات کی جائے تو اس بارے سب سے نمایاں فیچر گاڑی میں دئیے گئے 6 ائیر بیگز ہیں۔
- ہل سٹارٹ اسسٹ
- اینٹی لاک بریکنگ سسٹم (ABS)
- ریئر ویو کیمرہ
- فرنٹ + ریئر پارکنگ سینسرز
- وہیکل سٹیبلٹی مینجمنٹ (VSM)
- الیکٹرانک سٹیبلٹی پروگرام (ESP)
- بلائنڈ اسپاٹ ڈیٹیکشن
- ایکٹیو لین کیپ اسسٹنس
- ہائی بیم اسسٹ
- روڈ سائن ایںڈ سپیڈ لمٹ ریکگنیشن
