پاکستان میں گاڑیوں کی قیمتوں میں کمی کا حال ہی میں شروع ہونے والا ٹریںڈ تاحال برقرار ہے۔ کار کمپنیز یکے بعد دیگرے اپنی قیمتوں میں کمی کا اعلان کر رہی ہیں۔ ٹویویا، کِیا، ہنڈا کے بعد اب ڈی اایف ایس نے بھی اپنی ایس یو وی کی قیمت میں کمی کا اعلان کیا ہے۔
کمپنی نے گلوری 580 پرو کی قیمت میں 200000 روپے کی کمی کی ہے جس کے بعد گاڑی کی قیمت 6990000 روپے سے کم ہو کر 6790000 روپے ہو گئی ہے۔ کمپنی کی جانب سے جاری کیے گئے نوٹیفکیشن میں کہا گیا ہے کہ نئی قیمتیں یکم نومبر 2023 سے لاگو ہوں گی۔
شرائط و ضوابط
مندرجہ بالا قیمت زیادہ سے زیادہ تجویز کردہ ریٹیل پرائس، ایکس فیکٹری فی یونٹ ٹیکس اور ڈیلر کمیشن شامل ہے۔
امریکی ڈالر کے مقابلے روپے کی قدر میں تبدیلی کی وجہ سے قیمت پر کوئی بھی اثر، حکومتی محصولات، ٹیرف کا ڈھانچہ، مالیاتی پالیسیاں، درآمدی پالیسیاں وغیرہ صارف کو ادا کرنا ہوں گے۔
مندرجہ بالا قیمتیں عارضی ہیں اور پیشگی اطلاع کے بغیر تبدیل کی جاسکتی ہیں اور ڈیلیوری کے وقت موجودہ قیمت لاگو ہوگی۔
گلوری 580 پرو کے فیچرز اور خصوصیت
اس کار میں 1498 سی سی ٹربو چارجڈ انجن دیا گیا کے ساتھ آتی ہے جو 150 ہارس پاور اور 220 نیوٹن میٹر ٹارک پیدا کرتا ہے۔ انجن میں جدید ترین CVT ٹرانسمیشن دی گئی ہے جو کہ گاڑی کو ہموار اور آرام دہ سواری بناتی ہے۔
گلوری 580 پرو میں ہائیٹ ایڈجسٹمنٹ ہیڈلائٹس کے ساتھ ایل ای ڈی لینز بھید دیا گیا ہے یعنی آپ اپنے سامنے والے لیمپ کی اونچائی کو اپنے سامنے آنے والی ٹریفک کے مطابق ایڈجسٹ کر سکتے ہیں۔ اگر آپ کے سامنے کاریں ہیں تو آپ سڑک پر لائیٹ کو ایڈجسٹ کر سکتے ہیں، یا اگر آپ کے سامنے والی سڑک خالی ہے تو انہیں ہائی بیم پر بھی رکھ سکتے ہیں۔
مزید برآں، کمپنی نے Glory 580 Pro میں ہیٹڈ مررز لگائے ہیں کیونکہ ہیٹڈ مررز ان پر پڑنے والے دھند کے اثرات کو خود بخود ہٹا دیں گے، جب کہ آپ انہیں اس کے الیکٹرانک سسٹم کے ذریعے ایڈجسٹ کر سکتے ہیں۔
کار میں 9 انچ کی فلوٹنگ ایچ ڈی انفوٹینمنٹ اسکرین ہے، جو ڈیش بورڈ پر شاندار نظر آتی ہے۔ سکرین کار کے پورے اندرونی حصے کو ایک ایگزیکٹیو شکل دیتی ہے۔ مزید برآں، آپ ٹچ اسکرین سے آڈیو، کال اور دیگر فیچرز کو کنٹرول کر سکتے ہیں۔
دریں اثنا، SUV میں الیکٹرانک طور پر ایڈجسٹ ایبل ڈرائیور اور مسافر سیٹیں ہیں۔ اس کا مطلب یہ ہے کہ دونوں ایک بٹن کے ذریعے الیکٹرانک سسٹم کے ذریعے اپنے آرام کے مطابق سیٹیں ایڈجسٹ کر سکتے ہیں۔
