ڈالر کی مسلسل بڑھتی شرح نے کار کمپنیز کو گاڑیوں کی قیمتیں بڑھانے پر مجبور کر دیا ہے۔ ٹویوٹا، کِیا، ہیوںڈائی، سوزوکی اور چنگان نے قیمتوں میں اضافہ کر دیا ہے۔
دیگر کمپنیز کی طرح سازگار انجینئرنگ نے بھی قیمتوں میں اضافے کا اعلان کر دیا ہے۔ کمپنی کی جانب سے جاری کیے گئے نوٹس کے مطابق نئی قیمتوں کا اطلاق یکم اگست 2022 ہو گیا ہے۔
ہیوال H6 کی نئی قیمتیں
- ہیوال 5T H6 کی قیمت میں 1100000 روپے اضافہ کیا گیا ہے۔ جس کے بعد گاڑی کی نئی قیمت 6499000 روپے سے بڑھ کر 7599000 روپے ہو چکی ہے۔
- اسی طرح ہیوال 0T H6 کی قیمت 7499000 روپے سے بڑھ کر 8799000 روپے ہو چکی ہے۔ یعنی گاڑی کی قیمت میں 1300000 روپے اضافہ کیا گیا۔
قیمت میں گزشتہ اضافہ
اس سے قبل، کمپنی نے ہیوال H6کی قیمت 6499000 روپے سے بڑھا کر 6849000 روپے کر دی تھی۔ یعنی کار کی قیمت میں 354000 روپے کا اضافہ دیکھا گیا۔ حالیہ نوٹیفکیشن میں کمپنی نے کہا ہے کہ قیمت 6499000 سے روپے سے بڑھا کر 7599000 روپے کر دی گئی ہے۔ یعنی گاڑی کی قیمت میں 354000 روپے کے گزشتہ اضافے کا کیا ہوگا؟
پاک ویلز نے اس بارے تفصیل سے جاننے کے لیے معاملے کی چھان بین کی۔ کمپنی کے اہلکار نے انکشاف کیا ہے کہ انھوں نے 6849000 روپے حساب سے بیلنس آف پیمنٹ حاصل کی لیکن اس قیمت پر کوئی کار بُک نہیں کی۔ لہذا، اصل اضافہ 6499000 روپے سے ہوتا ہے۔ ٓ
ملک کی معاشی صورتحال مخدوش ہے، روپے کی قدر میں کمی اور ڈالر کی قیمت میں زبردست اضافے نے شرح نمو کو کم کر دیا ہے، مہنگائی کی شرح بڑھتی جا رہی ہے۔ جس کی وجہ سے گاڑیوں کی قیمتوں میں سال میں چوتھی بار اضافہ کیا جا رہا ہے۔ یہ معاشی بدحالی جلد بہتر ہوتی نظر نہیں آ رہی۔ بہر حال، امید ہے کہ چیزیں جلد بہتر ہو جائیں گی۔
حالیہ قیمتوں میں اضافے کے بارے میں آپ کا کیا خیال ہے؟ کیا آپ دیکھتے ہیں کہ آنے والے دنوں میں معاشی حالات بہتر ہو جائیں گے؟ کمنٹس سیکشن میں اپنے خیالات کا اظہار کریں۔
