ٹویوٹا فارچیونر اور ریوو کی نئی قیمتیں اور اضافی فیچرز

ٹویوٹا پاکستان نے ٹویوٹا فارچیونر اور ٹویوٹا ہائی لکس ریوو میں نئے فیچرز متعارف کرائے ہیں۔ ان خصوصیات کے نتیجے میں کمپنی نے ان گاڑیوں کی قیمتوں میں بھی تبدیلی کی ہے۔ کمپنی کے نوٹیفکیشن کے مطابق نئی قیمتیں اور فیچرز یکم فروری 2022 سے لاگو ہوں گے۔

علاوہ ازیں، اس ڈیلیوری ٹائم میں گاڑی حاصل کرنے والے صارفین کو قیمت کا فرق بھی ادا کرنا پڑے گا۔

ٹویوٹا فارچیونر کے اضافی فیچرز

نوٹیفکیشن کے مطابق فارچیونر کے ان ویریئنٹس میں نئی ​​خصوصیات ہیں:

• فارچیونر 4×4 (S4)
• فارچیونر 4×4 Hi (V)
• فارچیونر 2×4 Lo (G)

فارچیونر 4×4 (S4)

نئی خصوصیات یہ ہیں:

گاڑی کلیئرنس سونر (فرنٹ اور رئیر پارکنگ سینسر) کے ساتھ آئے گی یعنی ڈرائیور تنگ جگہوں پر بھی آسانی سے گاڑی پارک کر سکتا ہے۔

اس میں ڈوئل زون اے سی دیا جائے گا یعنی ڈرائیور اور مسافر کا الگ الگ کلائمیٹ کنٹرول ہوگا۔ اس سے دونوں ڈرائیور اور مسافر کے لیے زیادہ سہولت ہوگی۔

فارچیونر 4×4 Hi (V)

اس گاڑی کے نئے فیچرز یہ ہیں:

پچھلے ویریئنٹ کی طرح اس میں بھی کلیئرنس سونر (فرنٹ اور پارکنگ سینسرز) نظر آئیں گے جو پارکنگ کے عمل کو آسان بناتے ہیں۔

اس گاڑی میں ڈوئل زون اے سی بھی ہوگا جس کے ذریعے ڈرائیور اور مسافر دونوں اپنی پسند کے مطابق درجہ حرارت سیٹ کر سکتے ہیں۔

یہ ویرینٹ 4×4 ڈِف لاک کے ساتھ بھی آئے گا، یعنی آپ کی گاڑی کے ٹائر توانائی کو ضائع نہیں کریں گے کیونکہ یہ فیچر ٹارک کو سڑک پر ٹائر میں منتقل کر دے گا۔

فارچیونر 2×4 Lo (G)

اس ویرینٹ میں ایک اضافی فیچر دیا جائے گا۔

• ڈوئل اے سی زون، ڈرائیور اور مسافر دونوں اپنی پسند کے مطابق درجہ حرارت سیٹ کر سکتے ہیں۔

ریوو

اب ٹویوٹا ہائی لکس ریوو میں اضافی خصوصیات پر بات کرتے ہیں۔ اس گاڑی کے دو ویرینٹس، ریوو V AT اور IMV III STD میں نئے آپشنز دئیے گئے ہیں۔

ریوو V AT

ان نئی خصوصیات کی مختصر تفصیل یہ ہے:

اس ویرینٹ میں کلیئرنس سونر دیا جائے گا یعنی اس میں فرنٹ اور رئیر پارکنگ سینسر بھی ہوں گے۔

دوسری خصوصیت بھی وہی ہے کہ اس میں ڈوئل زون کلائمیٹ کنٹرول بھی ہوگا۔

IMV III STD (Hilux E)

یہ گاڑی دو نئے آپشنز کے ساتھ آئے گی:

کمپنی اس میں فرنٹ سلائیڈنگ سیٹ پیش کر رہی ہے۔ یعنی آپ کی ڈرائیو اور مسافر سیٹیں بیس سے سلائیڈ کر سکتی ہیں۔ جس سے آپ کا بیٹھنے کا انداز زیادہ پر سکون اور آرام دہ ہو جائے گا۔

اس کے علاوہ یہ اب سنٹرل کنسول کے ساتھ آئے گا جو ڈرائیونگ کو زیادہ آرام دہ بنائے گا۔

فارچیونر اور ریوو کی نئی قمتیں:

ان نئی خصوصیات کے ساتھ کمپنی نے قیمتوں میں 100000 روپے تک اضافہ کیا ہے۔ اور ان گاڑیوں کی نظر ثانی شدہ قیمتیں یہ ہیں۔