کِیا اور ٹویوٹا کے بعد ہنڈا اٹلس نے بھی اپنی سیڈان ہنڈا سٹی 1.2Lکی قیمت میں کمی کر دی ہے۔ کمپنی نے مینوئل اور سی وی ٹی ویرینٹس کی بھی قیمتوں میں کمی کی ہے۔ نئی ایکس فیکٹری قیمتوں کا اطلاق 15 مارچ 2024 سے ہوگا۔
نئی قیمتیں
- ہنڈا سٹی 1.2L مینوئل کی نئی قیمت 4649000 روپے ہے جبکہ پرانی قیمت 4699000 روپے تھی۔ یعنی گاڑی کی قیمت میں 50000 روپے کمی کی گئی ہے۔
- اسی طرح ہنڈا سٹی 1.2L سی وی ٹی کی نئی قیمت 4629000 روپے ہے جبکہ پرانی قیمت 4689000 روپے تھی۔ یعنی گاڑی کی قیمت میں 140000 روپے کمی کی گئی ہے۔
شرائط و ضوابط
- نئی ایکس فیکٹری لاہور کی قیمتیں عارضی ہیں اور بغیر کسی پیشگی اطلاع کے تبدیل کی جاسکتی ہیں۔
- ڈیلیوری کے وقت کی قیمتیں لاگو ہوں گی۔
- نئی قیمتیں 15 مارچ 2024 اور اس کے بعد کے تمام آرڈرز پر لاگو ہوں گی۔
- یہ ایکس فیکٹری قیمتیں ہیں اور ان میں سیلز ٹیکس اور FED شامل ہیں۔
- ڈیلیوری کے وقت لاگو ہونے والے حکومتی محصولات اور ٹیکسوں میں کوئی بھی تبدیلی صارفین کو ادا کرنا پڑے گی۔
مقامی کار کمپنیوں کی جانب سے قیمتوں میں کمی کا سلسلہ حیران کن ہے کیونکہ مارکیٹ کے حالات قیمتوں میں کمی کی پیش گوئی نہیں کر رہے تھے۔ ان فیصلوں کے وجہ نئی حکومت کا قیام اور ڈالر کے مقابلے میں روپے کی قدر میں استحکام ہو سکتا ہے۔ وجہ کچھ بھی ہو، یہ مقامی صنعت کے لیے ایک اچھی علامت ہے، جو گزشتہ چند سالوں سے گاڑیوں کی ریکارڈ بلند قیمتوں، ڈیلیوری میں تاخیر سے متاثر ہوئی ہے۔
امید ہے کہ آنے والے مہینوں میں مقامی صنعت اس جھنجھٹ سے نکل جائے گی، اس سے مارکیٹ میں کاروباری سرگرمیاں بڑھیں گی جو کہ مجموعی طور پر ملکی معیشت کے لیے ایک اچھی علامت ہے۔
ہنڈا سٹی کی جانب سے قیمتوں میں کمی کے فیصلے کے بارے میں آپ کا کیا خیال ہے؟ کیا یہ ایک اچھا قدم ہے؟ کمنٹس سیکشن میں اپنے خیالات کا اظہار کریں۔
