ہنڈ اٹلس نے اپنی کراس اوور ایس یو وی کی قیمت میں بڑی کمی کا اعلان کر دیا ہے۔ کمپنی کی جانب سے جاری کی گئی ایک سوشل میڈیا پوسٹ میں کہا گیا ہے کہ کمپنی نے تیس سال مکمل ہونے پر HRV VTI-S کی قیمت میں 400000 روپے کی کمی کی گئی ہے۔ لہذا، ابھی گاڑی بُک کروائیں اور قیمت میں کمی کا فائدہ اٹھائیں۔
تفصیلات کے لیے، اپنی قریبی ڈیلرشپ پر جائیں اور خیال رہے کہ یہ پیشکش محدود مدت کیلئے ہے جو کہ گاڑی کے ٹاپ ویرینٹ پر لگائی گئی ہے اور اس کی موجودہ قیمت 7899000 روپے ہے جبکہ 400000 روپے کی کمی کے بعد یہ قیمت 7499000 ہو گئی ہے۔
گاڑی کے فیچرز و دیگر خصوصیات یہ ہیں۔
پاور اور ٹرانسمیشن
HR-V کے دونوں ویریئنٹس میں 1500 سی سی نیچرلی ایسپائریٹڈ انجن دیا گیا ہے جو 121 ہارس پاور اور 145 نیوٹن میٹر ٹارک پیدا کرتا ہے۔ انجن میں سی وی ٹی ٹرانسمیشن دی گئی ہے۔ اس کے علاوہ۔ مزید یہ کہ دونوں ویریںٹس میں صرف ایک موڈ، یعنی کہ Econ موڈ دیا گیا ہے۔
ایکسٹیرئیر
ایکسٹیرئیر کی بات کریں تو دونوں ویرینٹس کے فرنٹ پروفائل پر ایل ای ڈی ڈی آر ایل کے ساتھ ایل ای ڈی آٹو ہیڈلائٹس دی گئی ہیں۔ VTi ویرینٹ میں فرنٹ گرل بلیک پینٹ ہے جبکہ VTi-S ویرینٹ میں یہ باڈی کلر ہے۔ بیس ویریئنٹ میں بمپر غیر پینٹ شدہ سیاہ رنگ کا ہے۔
انٹیرئیر
گاڑی کے دونوں ویرینٹس کی انٹیرئیر میں 4.2 TFT سکرین، ملٹی میڈیا سٹیئرنگ، سمارٹ انٹری، پُش اسٹارٹ، ایمبیئنٹ لائٹس اور فرنٹ کنسول لائٹ ہے۔
وی ٹی آئی ویرینٹ 9 انچ ٹچ سکرین دی گئی ہے جبکہ ٹاپ ویرینٹ میں 9 انچ ینڈرائیڈ نیویگیشن سے لیس ہے۔ بیس ویرینٹ میں کلائمیٹ کنٹرول سنگل زون ڈیجیٹل ہے جب کہ ٹاپ ویرینٹ ڈوئل زون ڈیجیٹل کے ساتھ آتا ہے۔
سیفٹی فیچرز
دونوں ویرینٹس میں بہت سے سیفٹی فیچرز دئیئے گئے ہیں جن میں ہِل سٹارٹ اسسٹ (HSA)، ہل ڈیسنٹ کنٹرول (HDC)، الیکٹرک پارکنگ بریک، آٹو بریک ہولڈ، ایمرجنسی سٹاپ سگنل (ESS)، آٹو ڈور لاک بائی سپیڈ، اینٹی لاک بریکنگ سسٹم (ABS)، ہائی ماؤنٹ سٹاپ لیمپ، وہیکل اسٹیبلٹی اسسٹ (VSA)، چست ہینڈل اسسٹ اور 4 ایئر بیگ شامل ہیں۔
