ہیونڈائی نشاط موٹرز پاکستان میں متعدد گاڑیاں متعارف کروا چکی ہے، جن میں ہیونڈائی آیونِک اور ہیونڈائی سانتا فی شامل ہیں۔
کمپنی کی نظریں ہر چھ مہینے میں نئی گاڑیاں متعارف کروانے پر ہیں اور اب تک ایسا ہی لگتا ہے کیونکہ لاہور کی سڑکوں پر ایک مرتبہ پھر ہیونڈائی سوناٹا کو ٹیسٹ مراحل سے گزرتے دیکھا گیا ہے۔ ذرا نیچے موجود تصویریں تو دیکھیں:
سوناٹا ایک مِڈ- سائز کار ہے جسے جنوبی کوریائی آٹومیکر نے پہلی بار 1985ء میں متعارف کروایا تھا۔ یہ کار اِس وقت اپنی آٹھویں جنریشن میں ہے۔ اس کی ساتویں جنریشن 2017ء میں پیش کی گئی تھی، جس میں کار کو فیس لفٹ ملا تھا۔ یہ معلوم نہیں کہ پاکستان میں سوناٹا کی کون سی جنریشن لانچ کی جائے گی۔
علاوہ ازیں، ہیونڈائی نشاط موٹرز پرائیوٹ لمیٹڈ (HNMPL) نے اپنے فیصل آباد مینوفیکچرنگ پلانٹ میں ہیونڈائی پورٹر H-100 کی مینوفیکچرنگ بھی شروع کر دی ہے۔ ہیونڈائی کا پلانٹ مکمل طور پر آپریشنل ہے اور ابتدائی مرحلے میں سالانہ 15,000 گاڑیاں اسمبل کرنے کی صلاحیت رکھتا ہے۔ ہیونڈائی-نشاط پارٹنرشپ کا آغاز دسمبر 2017ء میں ہوا تھا اور دو سال کے بعد اب وہ پاکستان میں گاڑیاں اسمبل کرنے کا آغاز کر چکا ہے۔ H-100 پک اَپ کے علاوہ مستقبلِ قریب میں دیگر ماڈلز بھی متعارف کروائے جائیں گے۔ H-100 پک اپ ہیونڈائی نشاط موٹرز کی پہلی “ساختہ پاکستان” گاڑی ہے۔
مزید خبروں کے لیے PakWheels.com پر آتے رہیے۔
