ہیونڈائی سوناٹا پاکستانی آٹو مارکیٹ میں قدم رکھ چکی ہے۔ تاہم توقعات کے برعکس کمپنی نے ہیونڈائی سوناٹا کے دو ویرینٹس لانچ کرنے کا فیصلہ کیا ہے جو 2000 اور 2500 سی سی انجن کے ساتھ آئیں گے۔ ہم اس سے قبل بتا چکے ہیں کہ 2500 سی سی انجن کے ساتھ آنے والے ویرینٹ میں صرف تین اضافی فیچرز دئیے گئے ہیں جو کہ یہ ہیں:
- پاور رئیرسن شیڈ
- ہیڈ اپ ڈسپلے
- 6 ائیر بیگز
سوناٹا ایک سی – سیگمنٹ پریمیم وہیکل ہے جو کہ ہنڈا اکارڈ کو ٹکر دے سکتی ہے۔ یہی وجہ کہ ہم نے ان دو گاڑیوں کا موازنہ کرنے کا فیصلہ کیا ہے تاکہ صارفین ان دونوں گاڑیوں کے بارے تمام تفصیلات جان سکیں۔
انجن اور ٹرانسمیشن
سوناٹا دو انجن آپشنز کے ساتھ آئے گی جن میں 152 ہارس پاور پیدا کرنے والا 2000 سی سی DOHC 16-Valve Dual CVVT اور 192 ہارس پاور پیدا کرنے والا 2500 سی سی Smart Stream 2.5 MPi انجن شامل ہوگا۔ دوسری جانب ہنڈا اکارڈ کی بات کی جائے تو یہ 1498 سی سی DOHC 16-Valve VTEC انجن پر مشتمل ہے جو کہ 180 ہارس پاور اور 233Nm ٹارک پیدا کرنے کی صلاحیت رکھتا ہے۔ یعنی ہم کہہ سکتے ہیں کہ ہنڈا کا اکارڈ ما انجن سائز میں چھوٹا ہے لیکن 2500 سی سی سوناٹا کے برابر ہارس پاور اور ٹارک پیدا کرتا ہے۔ سوناٹا کے دونوں ویرینٹس 6 سپیڈ آٹو میٹک ٹرانسمیشن کے ساتھ آتے ہیں جبکہ ہںڈا اکارڈ CVTسمیت ارتھ ڈریمز ٹیکنالوجی ٹرانسمشن رکھتی ہے۔
اس کے علاوہ ہیوںڈائی سوناٹا میں 5 ڈرائیونگ موڈز(سمارٹ، سپورٹ، کسٹم، کمفرٹ، اکنامک) دئیے گئے ہیں جبکہ ہنڈا میں دو ڈرائیونگ موڈز (اکنامی اسسٹ اور سپورٹ) دئیے گئے ہیں۔
ایکسٹیرئیر
سوناٹا کے دونوں ویرینٹس Tetra LED پروجیکشن ہیڈلائٹس،Gradient Hidden لائٹ ٹیکنالوجی DRLs اورHorizontal LED رئیر کمبینیشن ٹیل لائٹس رکھتے ہیں جبکہ ہنڈا اکارڈ میں DRLs اور رئیر لیمپس LED ہیں۔ اس کے علاوہ ہیونڈائی سوناٹا میں رئیر فوگ لیمپس دئیے گئے ہیں جبکہ ہنڈا اکارڈ میں ایسا کوئی فیچر موجود نہی ہے۔ یہ تینوں گاڑیاں پینورامک سن روف اور رین سینسنگ وائپرز کے ساتھ آتے ہیں۔
وہیلز کی بات کی جائے تو یہ تینوں گاڑیاں 18 انچ الائے وہیلز کے ساتھ آتی ہیں جبکہ سپئیر ٹائرز بھی الائے رم کیساتھ آتے ہیں۔ تینوں گاڑیوں میں ویںٹی لیٹڈ اور سولڈ ڈسک بریک سسٹم دیا گیا ہے۔
انٹیرئیر
انٹیرئیر کی بات کی جائے تو ان تینوں گاڑیوں میں لیدر سیٹس موجود ہیں۔ اس کے علاوہ سوناٹا اور اکارڈ میں 8 وے پاورڈ ڈرائیور سیٹس اور 4 وے پاورڈ پیسنجرسیٹس دی گئی ہیں۔ سوناٹا کے دونوں ویرینٹس میں 12.3 انچ ہائی ریزولیشن TFT LCD دی گئی ہے جبکہ اکارڈ میں اینالوگ ڈائلز موجود ہیں۔ ان تینوں گاڑیوں میں انفوٹینمنٹ یونٹ کا سائز 8 انچ ہے۔
سوناٹا اور اکارڈ، دونوں میں ڈووَل زون آٹو کلائمیٹ کنٹرول، رئیر اے سی اور وائر لیس چارجر آفر کیے گئے ہیں۔
سیفٹی
سیفٹی کی بات کی جائے تو 2000 سی سی سوناٹا میں دو ائیر بیگز جبکہ 2500 سی سی انجن کے ساتھ آنے والے ویرینٹ میں 6 ائیر بیگز دئیے گئے ہیں۔ ان تینوں گاڑیوں میں ہِل سٹارٹ اسسٹ، الیکڑانک سٹیبلٹی کنٹرول، ٹریکشن کنٹرول سسٹم، پارکنگ سینسرز، کروز کنٹرول، رئیر کیمرہ اور ڈائنامکس گائیڈ لائنز جیسے سیفٹی فیچرز آفر کیے گئے ہیں۔
اس کے علاوہ سوناٹا اور اکارڈ، دونوں گاڑیوں میں سمارٹ ٹرنک اوپنر، کی لیس انٹری اور ریموٹ سٹارٹ انجن جیسے فیچرز بھی دیئے گئے ہیں۔ اس موازنے سے پتہ چلتا ہے کہ یہ گاڑیاں بنیادی طور پر ایک جیسی ہیں۔
