ہیونڈائی سوناٹا اور ٹویوٹا کیمرے ہائبرڈ – تفصیلی موازنہ

اس موازنے میں ہم ہیونڈائی سوناٹا اور ٹویوٹا کیمرے کا تفصیلی موازنہ کریں گے جہاں ان دونوں گاڑیوں کے فیچرز، خصوصیات اور سیفٹی آپشنز پر روشنی ڈالیں گے تاکہ آپ ان میں سے کسی بھی گاڑی کی خرید سے قبل اس کے فیچرز اور خصوصیات سے مکمل طور پر آگاہ ہوں۔

آپ کو بتاتے چلیں کہ سوناٹا اور کیمرے، دونوں گاڑیوں کے دو ویرینٹس پائے جاتے ہیں۔ سوناٹا کی بات کی جائے تو یہ 2000 اور 2500 سی سی انجن کے ساتھ آتی ہے جبکہ کیمرے کے دونوں ویرینٹس کو Low اور ہائی گریڈ کیمرے  ہائبرڈ کا نام دیا گیا ہے۔

پیمائش

سوناٹا 4900 ملی میٹر لمبی، 1860 ملی میٹر چوڑی اور 1445 ملی میٹر اونچی ہے جبکہ کیمرے 4885 ملی میٹر لمبی، 1840 ملی میٹر چوڑی اور 1455 ملی میٹر اونچی ہے۔ ایسے میں سوناٹا کیمرے کی نسبت زیادہ لمبی، چوڑی اور اونچی ہے۔

انجن اور ٹرانسمشن

سوناٹا میں دو انجن آپشنز 2000 اور 2500 سی سی کے ساتھ  ملتی ہے جبکہ ٹویوٹا کیمرے میں صرف 2500 سی سی انجن ملتا ہے۔ سوناٹا کا 2000 سی سی انجن 152 ہارس پاور اور 180Nm ٹارک پیدا کرنے کی صلاحیت رکھتا ہے جبکہ 2500 سی سی انجن 180 ہارس پاور اور 232Nm ٹارک پیدا کرتا ہے۔ دوسری جانب کیمرے کا 2500 سی سی انجن 176 ہارس پاور اور 221Nm ٹارک پیدا کرتا ہے۔ اس کے علاوہ کیمرے الیکٹرک موٹر کے ساتھ بھی آتی ہے جو 118 ہارس پاور اور 202Nm ٹارک پیدا کرتی ہے۔ لہذا، یہ کہنا غلط نہ ہوگا ہے کہ ٹویوٹا کی کار اپنے مدمقابل کے خلاف ہارس پاور اور ٹارک پیدا کرنے میں کافی آگے ہے۔

اس کے علاوہ ہیونڈائی سوناٹا 6 سپیڈ آٹومیٹک آفر کرتی ہے جبکہ کیمرے CVT ٹرانسمشن رکھتی ہے اور اس طرح یہاں بھی ٹویوٹا کیمرے سوناٹا کو زیر کرتی ہے۔ اسی طرح  ڈرائیو موڈز کی بات کی جائے تو سوناٹا میں پانچ ڈرائیونگ موڈز (سمارٹ، سپورٹ، اکنامی، کسٹم، کمفرٹ) ملتے ہیں جبکہ کیمرے میں تین ڈرائیونگ موڈز ( اکنامی، سپورٹ، نارمل) پائے جاتے ہیں۔

ایکسٹیرئیر

ایکسٹیرئیر کی بات کی جائے تو ایسے میں سن روف ایک قابل ذکر فیچر کے طور پر سامنے آتا ہے جو کہ سوںاٹا اور ہائی گریڈ ٹویوٹا کیمرے میں نظر آتا ہے جبکہ low گریڈ میں سن روف نہیں دیا گیا۔ سوناٹا کے دونوں ویرینٹس میں Tetra LED پروجیکشن ہیڈلیمپس، گریڈینٹس hidden لائٹ ٹیکنالوجی DRLs اور Horizontal LED رئیر کمبینیشن ٹیل لائٹس جیسے فیچر دئیے گئے ہیں۔ دوسری جانب کیمرے کے دونوں ویرینٹس میں LED ہیڈ لائٹس، DRLs، رئیر لائٹس دی گئی ہیں۔

سوناٹا اور کیمرے، دونوں میں رئیر فوگ لیمپس دئیے گئے ہیں لیکن صرف ہیونڈائی ہی اپنی گاڑیوں میں رین سینسنگ وائپرز دیتی ہے۔ اسی طرح ویلز سائز کی بات کی جائے تو سوناٹا اور کیمرے دونوں میں 18 انچ کے الائے ویلز دئیے گئے ہیں جبکہ low گریڈ کیمرے میں 17 انچ کے الائے رمز دیکھنے کو ملتے ہیں اور سوناٹا میں سپئیر ٹائر بھی الائے ہے۔

انٹیرئیر

ان چاروں گاڑیوں میں لیدر سیٹس اور 8 وے پاور ڈرائیور سیٹس، 4 وے پاور پیسنجر سیٹا ور ڈرائیور سیٹ کے لیے لمبر سپورٹ جیسے فیچر دئیے گئے ہیں جبکہ صرف 2500 سی سی انجن کے ساتھ آنے والی سوناٹا میں پاور رئیر سن شیڈز دئیے گئے ہیں۔ اس کے علاوہ سوناٹا میں 12.3ا نچ کی ہائی ریزولیوشن TFT LCD دی گئی ہے جبکہ کیمرے میں 7 انچ MID اینالوگ ڈسپلے دیا گیا ہے۔ ان چاروں گاڑیوں میں 8 انچ کا انفوٹینمنٹ ڈسپلے دیکھا جا سکتا ہے۔

اے سی کی بات کی جائے تو ان تمام گاڑیوں میں رئیر اے سی وینٹس کے ساتھ ڈووَل زون کلائمیٹ کنٹرول ملتا ہے جبکہ سوناٹا کی گاڑٰیوں میں وائرلیس چارجر کا آپشن بھی موجود ہے جو کہ کیمرے میں دیکھنے کو نہیں ملتا۔ 2500 سی سی سوناٹا میں ہیڈ اپ ڈسپلے بھی دیا گیا ہے۔

سیفٹی

2500 سی سی انجن کے ساتھ آنے والی ہیونڈائی سوناٹا میں 6 ائیر بیگز جبکہ 2000 سی سی سوناٹا میں 2 ائیر بیگز دئیے گئے ہیں۔ ان تمام گاڑیوں میں الیکٹرانک سٹیبلٹی کنٹرول موجود ہے۔

اس کے علاوہ ہِل سٹارٹ اسسٹ کنٹرول، ٹریکشن کنٹرول سسٹم، پارکنگ سینسرز، کروز کنٹرول اور رئیر کیمرہ اور گائیڈ لائنز جیسے آپشنز بھی دئیے گئے ہیں۔