کیا ہونڈا بی آر-وی پاکستان میں سب سے مناسب قیمت کراس اوور ایس یو وی ہے؟

اس وقت پاکستان کی آٹو مارکیٹ کراس اوورز SUVs سے بھری پڑی ہے، پچھلے چند سالوں سے کئی ادارے اس سیگمنٹ میں داخل ہوئے ہیں۔ لیکن ایک SUV ایسی ہے جو اپنی قیمت، سائز، آپشنز اور فیچرز کے لحاظ سے سب سے نمایاں ہے۔ ہم بات کر رہے ہیں ہونڈا BR-V کی جو پاکستان میں سب سے مناسب قیمت کی اور پسندیدہ ترین کراس اوور SUV سمجھی جاتی ہے۔ یہ گاڑی کئی وجوہات کی بنا پر معروف ہے اور جن میں سے ایک بڑی وجہ ہے اس کا ایک باقاعدہ فیملی کار ہونا، آپ کو حیرت ہو رہی ہے؟ حیران نہ ہو کیونکہ یہ 7 سیٹوں والی گاڑی ہے جو اسے خاندان بھر کے سفر یا دوستوں کے ساتھ گھومنے پھرنے کے لیے بہترین گاڑی بناتی ہے۔

‏BRV بلاشبہ خاندان بھر کے استعمال کے لیے ایک بہترین گاڑی ہے کیونکہ اسے کئی کاموں میں لایا جا سکتا ہے، پکنک کے لیے، خاندان بھر کے ساتھ کسی تقریب میں جانے کے لیے یا پھر ملک بھر میں اور شمال کے پہاڑی علاقوں کی سیاحت کرنے کے لیے بھی۔ یعنی آپ BR-V کو کہیں بھی لے جا سکتے ہیں۔

اس گاڑی کی فروخت کی خاص وجہ اس کی ہر قسم کے علاقے میں جانے کی صلاحیت ہے کیونکہ BR-V کے ساتھ ہر قسم کے راستے پر جا سکتے ہیں، تو اپنا سامان باندھیں، دوستوں کو جمع کریں اور نکل پڑیں کیونکہ اس گاڑی کی کوئی حد نہیں اور ایڈونچر اس کی گھٹی میں ہے۔

اہم فیچرز:

آئیے ہونڈا BR-V کے کچھ اہم فیچرز پر بات کرتے ہیں تاکہ آپ اس گاڑی کو تفصیلاً سمجھ سکیں اور اس کے مالک بن سکیں۔

انجن:

یہ کراس اوور SUV ایک 1.5L i-VTEC انجن رکھتی ہے جو کنٹینیوسلی ویری ایبل ٹرانسمیشن (CVT) سے لیس ہے کہ جس کا پیٹرن روشن رہتا ہے۔ یہ پیٹرن رات کے وقت بھی ٹرانسمیشن کے استعمال کو آسان بناتا ہے۔ اس کے علاوہ گاڑی پُش بٹن کے ساتھ اسمارٹ انٹری رکھتی ہے جو اسے بہت ہموار اور آرام دہ بناتی ہے۔

ایئر کنڈیشنر:

ہونڈا نے یہ گاڑی ڈجیٹل ایئر کنڈیشنر کے ساتھ متعارف کروائی ہے، جو زبردست کارکردگی کے ساتھ بہت آسان استعمال ہے، یہاں تک کہ پاکستان جیسے ملکوں میں بھی کہ جہاں گرمی سردیوں سے کہیں زیادہ عرصے تک رہتی ہے۔ اس کے علاوہ یہ ریئر AC وینٹی لیشن رکھتی ہے تاکہ پیچھے بیٹھے مسافر بھی ٹھنڈ کے اتنے ہی مزے لے سکیں جتنا آگے بیٹھے لوگ لے رہے ہیں، یوں یہ ایک بڑے گروپ کے لیے بھی بہترین گاڑی ہے۔

گراؤنڈ کلیئرنس:

اس کی گراؤنڈ کلیئرنس اسے واقعی ایک ایڈونچر کی گاڑی بناتی ہے کیونکہ اس کی گراؤنڈ کلیئرنس ہے 201 ملی میٹر۔ یعنی آپ BR-V کو آف روڈ کے لیے بھی لے جا سکتے ہیں، حالانکہ یہ ایک مکمل آف روڈ گاڑی نہیں ہے، لیکن پھر بھی دوسری کئی گاڑیوں سے بہتر انتخاب ہے۔

ایکسٹیریئر:

ایکسٹیریئر کی طرف آئیں تو آپ کو اس گاڑی کے ساتھ 16 انچ کے ڈوئل ٹون الائے ویلز ملیں گے جو گاڑی کو ایک ایگزیکٹو لُک دیتے ہیں۔ اس کے علاوہ اس میں آٹو پروجیکٹر ہیڈ لیمپس اور فوگ لیمپس ہیں۔ یہ لائٹس گاڑی کے فرنٹ کو خوبصورت اور ہموار بناتی ہیں۔

انٹیریئر:

یہاں جس پہلی چیز کی طرف آپ کا دھیان جائے گا وہ نیوی گیشن سسٹم رکھنے والا 7-انچ کا انفوٹینمنٹ ہے، جو گاڑی کو ہموار اور آرام دہ بناتا ہے۔ پھر آپ آڈیو اسٹیئرنگ سوئچ دیکھیں گے، جس کے ذریعے آپ انگلی کے محض ایک اشارے سے میوزک پر کنٹرول کر سکتے ہیں۔

اس کے علاوہ BR-V میں USB چارجنگ پورٹس اور بلوٹوتھ کنیکٹیوٹی ہیں، یعنی آپ اپنے موبائل کو چارج کر سکتے ہیں اور ساتھ ہی اسے کار کے انفوٹینمنٹ سسٹم کے ساتھ منسلک بھی کر سکتے ہیں۔ اب اس گاڑی کے بہترین فیچر کی طرف آتے ہیں، 7 سیٹیں جو جھک بھی سکتی ہیں۔ یوں آپ ہاتھ کے محض ایک اشارے سے اپنے سفر کو آرام دہ بنا سکتے ہیں۔

سیفٹی:

کمپنی نے اس میں ڈوئل ایئر بیگز، اموبلائزر، اینٹی-تھیفٹ سسٹم اور G کنسٹرکشن انسٹال کر رکھی ہے جو اسے آپ اور آپ کے خاندان کے لیے انتہائی محفوظ گاڑی بناتی ہیں۔ G کنسٹرکشن یا G CON ہونڈا کی گاڑیوں کا ایسا سسٹم ہے جو کسی تصادم کی صورت میں اس کے اثرات کو کم کرتا ہے دھچکے کا زور آپ کی جانب منتقل نہیں کرے گی اور یوں آپ کو زخمی ہونے سے بچائے گی۔

V ہی کیوں؟

جواب سادہ سا ہے، ان غیر معمولی فیچرز کے ساتھ یہ اس کیٹیگری میں سب سے مناسب قیمت کی گاڑی ہے۔ ٹاپ آف دی لائن ویرینٹ کی اس وقت قیمت 34.8 لاکھ روپے ہے، جو اسے پاکستان میں سب سے مناسب قیمت کراس اوور SUV بناتی ہے۔

اس کے علاوہ یہ گاڑی نہ صرف شہری علاقوں میں بلکہ ملک کے دیہی علاقوں میں بھی نظر آ رہی ہے۔ اس کا مطلب ہے کہ یہ ہر قسم کی سڑکوں پر اپنے بھروسہ مندی کی وجہ سے ہر جگہ مقبول ہے۔