مقامی سطح پر تیار کی گئی سوزوکی ایوری کی لانچ کی تاریخ آگئی

پاکستان سوزوکی موٹر کمپنی (PSMC) آخرکار طویل انتظار کے بعد اپنی مقامی طور پر تیار کی جانے والی مِنی MPV متعارف کرانے جا رہی ہے۔ ہمارے قابل اعتماد ذرائع کے مطابق، پاک سوزوکی 12 اکتوبر 2024 کو مقامی مارکیٹ میں سوزوکی ایوری کی لانچ کرنے جا رہی ہے۔

اس سے قبل اپنے ایک بلاگ میں ہم نے آپ کو بتایا تھا کہ کار کمپنی اکتوبر کے وقسط تک پرانی بولان کی جگہ CKD سوزوکی ایوری متعارف کروانے کا منصوبہ بنا رہی ہے اور ہمیشہ کی طرح، ہمارے ذرائع سے ملنے والی یہ  خبر ایک بار پھر درست ثابت ہوئی ہے۔

ذیل میں انٹرنیشنل مارکیٹ میں آںے والی سوزوکی ایوری کے فیچرز اور خصوصیات دی گئی ہیں کیونکہ کمپنی نے اس وین کے CKD یونٹ کی خصوصیات ابھی شئیر نہیں کی ہیں۔

سٹائل اور ڈیزائن (ایکسٹیرئیر اور انٹیرئیر)

اگر آپ ان وینز سے واقف ہیں، تو آپ کو ڈیزائن کی خوبصورتی کے حوالے سے کچھ اندازہ ہو گا۔ سوزوکی ایوری کا ڈیزائن باکسی شکل کا ہے جس میں اونچی باڈی اور چھوٹے ٹائر ہیں۔ تاہم، اپنے پیشرو سوزوکی بولان کے مقابلے میں، ایوری کا ایکسٹیرئیر ڈیزائن نمایاں طور پر زیادہ جدید اور مضبوط ہے۔

انٹرئیر کی بات کریں تو یہاں ایوری میں ہائی ماؤنٹڈ ڈیش بورڈ موجود ہے لیکن اس میں جدید فیچرز بھی شامل کیے گئے ہیں، جس کی وجہ سے یہ بولان کے مقابلے میں زیادہ ریفائنڈ اور خوبصورت کیبن فراہم کرتا ہے۔

زیادہ تر جے ڈی ایم گاڑیوں کی طرح، سوزوکی ایوری بھی انٹرنیشنل مارکیٹ پر مختلف آپشنز اور فیچرز کے ساتھ آتی ہے۔ بیس ماڈل میں ضروریات کے مطابق کلائمیٹ کنٹرول، اے بی ایس اور پاور سٹیئرنگ جیسے بنیادی فیچرز موجود ہیں۔

انجن اور پاور

جاپانی سوزوکی ایوری کا انجن اور کارکردگی توقع کے مطابق معمولی ہے، کیونکہ اس میں 660 سی سی انجن موجود ہے جو 49 ہارس پاور اور 62 نیوٹن میٹر ٹارک پیدا کرتا ہے۔ یہ بنیادی طور پر شہر میں ڈرائیونگ اور ہلکے کاموں کے لیے ڈیزائن کیا گیا ہے، لہذا اگرچہ یہ کوئی طاقتور گاڑی نہیں ہے، لیکن یہ روزمرہ استعمال کے لیے کافی ہے، جیسے کہ مختصر سفر، بچوں کو اسکول لے جانا یا ہلکا پھلکا سامان لے جانا۔

950 کلوگرام کے وزن کے ساتھ، یہ انجن ان کاموں کو معقول حد تک سنبھال سکتا ہے، لیکن جب گاڑی مکمل طور پر مسافروں یا سامان سے بھری ہوتی ہے تو کارکردگی قدرے مایوس کن ہو سکتی ہے۔ مزید برآں، اس میں 37 لیٹر کا فیول ٹینک اور شہر میں 19 کلومیٹر فی لیٹر جبکہ ہائی وے پر 21 کلومیٹر فی لیٹر ایندھن کی اوسط ہے۔

قیمت

ہمارے ذرائع کے مطابق، آنے والی گاڑی کی قیمت تقریباً 2600000 روپے متوقع ہے، جبکہ بولان کی موجودہ قیمت 1940000 روپے ہے، جس سے دونوں گاڑیوں کی قیمت میں 660000 روپے کا فرق ہے۔

آپ آنے والی مقامی طور پر اسمبل کی جانے والی سوزوکی ایوری کے بارے میں کیا سوچتے ہیں؟ کمنٹس سیکشن میں ہمیں اپنی رائے سے آگاہ کریں۔