ایم جی پاکستان آج اپنی نئی MG HS 2.0 ٹربو آل وہیل ڈرائیو (AWD) کو ایک اپ گریڈ شدہ انجن، نئی ہارس پاور، ٹارک، اور کچھ نئے ایکسٹیرئیر، انٹیرئیر اور سیفٹی فیچرز کے ساتھ لانچ کر رہا ہے۔ گاڑی میں دیا گیا 2000 سی سی 226 ہارس پاور اور 360 نیوٹن میٹر ٹارک پیدا کرتا ہے جو اسے اپنے سیگمنٹ میں سب سے بہتر بناتا ہے۔ اس ویرینٹ کو لانچ کر کے ایم جی پاکستان ممکنہ طور پر پاکستان میں کراس اوور SUV سیگمنٹ پر غلبہ حاصل کرنے کی کوشش کر رہا ہے۔ نئی لانچ ہونے والی ایم جی ایچ ایس کی مدمقابل گاڑیوں میں کِیا سپورٹیج اور ہیوںڈائی ٹوسان شامل ہیں۔
نئے انجن کے ساتھ اس کار کے نمایاں فیچرز میں ایل ای ڈی ہیڈ اور ٹیل لائٹس، پرل بلیک اور یارک وائٹ ایکسٹیرئیر کلر، سرخ اور سیاہ رنگ کی سلائی، فیئری ریڈ اور سینڈی بیج انٹیرئیر، پینورامک سن روف، 10.1 انچ کی انفوٹینمنٹ سکرین (ایپل کار پلے اور اینڈرائیڈ آٹو) 6 ایئر بیگز، ایکو، نارمل، اسپورٹ، کسٹم اور سپر سپورٹ ڈرائیونگ موڈز، 360 کیمرہ، سن روف، اور 210 کلومیٹر فی گھنٹہ کی تیز رفتار شامل ہیں۔
وارنٹی
ایم جی پاکستان اپنے صارفین کو 5 سالہ / 150000 کلومیٹر کی وارنٹی پیش کرتا ہے۔
قیمت اور ڈلیوری
نئی ایم جی ایچ ایس 2.0T ٹربو آل ویل ڈرائیو کی قیمت 9299000 روپے ہے۔ اس کے علاوہ گاڑی کی بکنگ کھلی ہے جبکہ ڈلیوری ٹائم ایک ماہ ہے۔ کمپنی آفیشل کے مطابق کار سیاہ اور سفید رنگوں فائری اور سینڈی بیج انٹیرئیر میں دستیاب ہے۔
لہذا، اگر آپ MG HS کے مداح ہیں اور بہترین رفتار والی کار تلاش کر رہے ہیں تو آپ نئی ایم جی ایچ ایس بُک کر سکتے ہیں۔
قیمتوں میں کمی اور اب نئی MG HS 2.0 کی لانچ کے بعد مقامی مارکیٹ میں کافی ہلچل نظر آرہی ہے اور چیزیں بہتری کی طرف بڑھنا شروع ہو گئی ہیں جو کہ انڈسٹری اور صارفین دونوں کے لیے ایک مثبت علامت ہے۔
نئی ایم جی ایچ ایس کی قیمت کے بارے میں آپ کا کیا خیال ہے؟ کیا آپ اس قیمت کے ساتھ یہ کار خریدیں گے؟ براہ کرم ہمیں تبصرے کے سیکشن میں بتائیں۔
