ایک لمبے انتظار کے بعد ایم جی موٹرز نے پاکستان میں اپنی مزید دو الیکٹرک گاڑیاں متعارف کروا دی ہیں۔ جن میںMG4 EV اور MG ZS EVشامل ہیں۔ یہ الیکٹرک گاڑیاں نہ صرف ماحول دوست ہیں بلکہ سٹائل اور ڈیزائن کے لحاظ سے کافی خوبصورت ہیں جبکہ ان میں موجود فیچرز مارکیٹ میں ان گاڑیوں کو نمایاں کرنے کیلئے کافی ہیں۔
ایم جی 4
ایم جی 4 ای وی پاکستان میں اپنے نئے سفر کے آغاز کیلئے مکمل طور پر تیار ہے۔ اپنے بہترین اسٹائل، ڈیزائن اور ماحول دوست ہونے کے ساتھ یہ ڈرائیونگ کا اچھا تجربے دے سکتی ہے۔
ایکسٹیرئیر
ایم جی 4 ای وی میں چھ دلکش رنگوں کا آپشن دیا گیا ہے۔ جس میں بالکل نیا ولکینو اورنج رنگ بھی شامل ہے۔ اس کا ایکٹیو گرل سسٹم بیٹری رینج کو بڑھانے کے لیے زیادہ سے زیادہ ہوا کے بہاؤ کو یقینی بناتا ہے۔ اس کے علاوہ منتخب ماڈلز میں 2 ٹون بلیک روف اور ٹوئن ایرو ریئر سپوئلر بھی شامل ہیں۔
انٹیرئیر
گاڑی کے انٹیرئیر کی بات کریں تو اس کی پتلی بیٹری اور لمبی وہیل بیس کی بدولت کافی ہیڈ روم اور لیگ روم کے ساتھ ایک کشادہ انٹیرئیر ملے گا۔ گاڑی میں 10.25 انچ کا ٹچ سکرین انفوٹینمنٹ سسٹم ایپل کار پلے اور اینڈرائید آٹو جیسے فیچرز دئیے گئے ہیں۔ فلوٹنگ کنسول پر ایک وائرلیس چارجنگ پیڈ ماڈرن انٹیرئیر کو ظاہر کرتا ہے۔
ایم جی پائلٹ
ایم جی پائلٹ، ایڈوانسڈ ڈرائیور اسسٹنس سسٹم گاڑی میں موجود سیفٹی سسٹم کو مزید بہتر بنانے کیلئے کافی ہے۔ اس میں ایکٹیو ایمرجنسی بریکنگ، لین کیپ اسسٹ، اڈاپٹیو کروز کنٹرول جیسی بہت سی خصوصیات شامل ہیں۔ اس کے علاوہ گاڑی میں بلائنڈ سپاٹ ڈیٹیکشن اور لین چینج اسسٹ جیسے سسٹمز بھی موجود ہیں۔
فاسٹ چارجنگ
ایم جی کی یہ گاڑی صرف 35 منٹ 10 فیصد سے 80 فیصد تک چارج ہونے کی صلاحیت رکھتی ہے۔ اگرچہ دیگر الیکٹرک گاڑیوں کا چارجنگ ٹائم مختلف ہو سکتا ہے ہے اس گاڑی کا چارجنگ ٹائم کافی بہتر ہے۔
رینج
گاڑی کی رینج فی چارج 323 میل تک ہے جو کہ کافی متاثر کن ہے۔ اس کے علاوہ اگر آپ ٹرافی لانگ رینج ماڈل کا انتخاب کرتے ہیں تو اور آپ 360° پارکنگ کیمرہ، ہیٹڈ سیٹس اور مزید بہت سے فیچرز سے لطف اندوز ہوں گے۔
ایم جی ZS ای وی
ایم جی زیڈ ایس ای وی نہ صرف الیکٹرک کار ہے بلکہ پاکستان کی آٹو انڈسٹری میں ایک بڑی تبدیلی کے طور پر بھی دیکھی جاتی ہے۔
بہترین کارکردگی
گاڑی میں 44.5kWh لیتھئیم آئن بیٹری دی گئی ہے جس کی پاور 105kW اور ٹارک 353 نیوٹن میٹر ہے۔ گاڑی کی رینج بھی 320 کلومیٹر فی چارج ہے۔
انٹیرئیر
ایم جی زیڈ ایس ای وی کے انٹیرئیر کی بات کریں تو یہاں سافٹ میٹریل دیکھنے کو ملتا ہے جو کہ دیکھنے میں کافی لگژری ہے۔
ایکسٹیرئیر
گاڑی کے ہیڈ لیمپس لندن آئی سے ملتی جلتی ہے۔ گاڑی میں 17 انچ کے الائے ویلز دئیے گئے ہیں جن کا ڈیزائن ڈچ کلاس وِنڈمِلز سے متاثر کن نظر آتا ہے۔ اس کے علاوہ سن روف کا جیسا فیچر بھی گاڑی میں دیا گیا ہے۔
