سوزوکی بائکس کی قیمت میں اضافہ – GR 150 کی قیمت 5 لاکھ سے تجاوز
یاماہا ہنڈا کے بعد سوزوکی نے بھی ایک بار پھر اپنی بائکس کی قیمتیں بڑھا دی ہیں اور اب GR 150 کی قیمت 5 لاکھ سے بھی تجاوز کر گئی ہے۔ کمپنی کے مطابق نئی قیمتوں کا اطلاق 7 اپریل سے ہوگا۔
سوزوکی بائکس کی نئی قیمتیں
سوزوکی GD 110S کی قیمت 290000 روپے سے بڑھا کر 322000 روپے کر دی گئی ہے۔ یعنی بائک کی قیمت میں 32000 روپے اضافہ کیا گیا ہے۔
اسی طرح سوزوکی GS 150 کی قیمت 315000 روپے سے بڑھا کر 350000 روپے کر دی گئی ہے۔ یعنی بائک کی قیمت میں 35000 روپے اضافہ کیا گیا ہے۔
سوزوکی GSX 125 کی قیمت میں 47000 روپے اضافہ کیا گیا ہے جس کے بعد بائک کی قیمت 422000 روپے سے بڑھ کر 469000 روپے ہو چکی ہے۔
اسی طرح سوزوکی GR 150 کی قیمت میں 50000 روپے اضافہ کیا گیا ہے جس کے بعد بائک کی قیمت 451000 روپے سے بڑھ کر 501000 روپے ہو چکی ہے۔
شرائط و ضوابط
- خوردہ قیمتیں ایکس فیکٹری پروڈکٹ کی قیمت اور فریٹ چارجز پر مشتمل ہیں۔
- مندرجہ بالا قیمتیں بغیر کسی اطلاع کے تبدیل کی جا سکتی ہیں۔
- قیمتیں ڈیلیوری کے وقت لاگو ہوں گی۔
- کوئی بھی سرکاری ٹیکس لاگو ہو گا جو صارف سے وصول کیا جائے گا۔
نوٹیفکیشن میں اس تازہ ترین اضافے کی کسی وجہ کا ذکر نہیں کیا گیا ہے، جو کہ حیران کن نہیں ہے کیونکہ بائک کمپنیوں نے کبھی بھی صارفین کے ساتھ وجوہات کا شئیر نہیں کیں۔ اگر ہم آٹو انڈسٹری کی حالت اور ملک کی موجودہ معاشی صورتحال پر نظر ڈالیں تو اس کی ممکنہ وجوہات امریکی ڈالر کے مقابلے روپے کی غیر مستحکم قیمت، درآمد میں مشکلات، مہنگا خام مال اور زیادہ درآمدی محصولات ہو سکتے ہیں۔ اگرچہ موٹر سائیکل کمپنیاں مکمل لوکلائزیشن کا دعویٰ کرتی ہیں، سوزوکی اور یاماہا اب بھی انجن جیسے اہم پرزے درآمد کرتے ہیں، جو براہ راست غیر ملکی کرنسی کی شرح تبادلہ سے منسلک ہے۔
سوزوکی بائیکس کی تازہ ترین قیمتوں میں اضافے کے بارے میں آپ کا کیا خیال ہے؟ کیا یہ جائز ہیں؟ کمنٹس سیکشن میں اپنے خیالات کا اظہار کریں۔
