پیجو 2008 کے آفیشل فیچرز و دیگر خصوصیات

گزشتہ رات پیجو 2008 لانچ کی گئی۔ اِس منی کراس اوور کے دو ویرینٹس پیجو 2008 ایکٹیو اور پیجو 2008 Allure لانچ کیے گئے ہیں۔ لکی موٹرز نے دونوں گاڑیوں کی قیمتوں کا اعلان کرتے ہوئے ان کی بکنگ کا آغاز بھی کر دیا ہے۔ گاڑی کے آفیشل فیچرز و خصوصیات ذیل میں تفصیل سے درج ہیں۔

انجن اور ٹرانسمشن

پیجو 2008 کے دونوں ویریںٹس میں 1200 سی سی ٹربوچارجڈ انجن دیا گیا ہے جو کہ 130 ہارس پاور اور 230Nm ٹارک پیدا کرنے کی صلاحیت رکھتا ہے۔  اس کے علاوہ گاڑی میں 6 سپیڈ آٹو ٹرانسمشن اور 3 ڈرائیونگ موڈز (نارمل، سپورٹس اور ایکنامک) دئیے گئے ہیں۔

ایکسٹیرئیر

چونکہ پیجو 2008 پاکستان میں پہلی یورپین کار ہے۔ لہذا، یہ مارکیٹ کیلئے ایسی گاڑی ہے جو دیکھنے میں دیگر گاڑیوں سے ذرا مختلف ہے۔ گاڑی کر فرنٹ پروفائل میں DRLs کے ساتھ LED ہیڈلائٹس ںظر آتی ہیں۔ Allure ویرینٹ میں ہیڈلائٹس اور DRLs میں 3 پنجوں والا ڈیزائن دیا گیا ہے جو اندھیرے میں خود بخود آن ہو جاتا ہے۔

ایکٹیو ویرینٹ گلاس فرنٹ گرِل دی گئی ہے جبکہ Allure ویرینٹ میں کروم گرِل نظر آتی ہے۔ دونوں ویریںٹس میں 17 انچ الائے ویلز، LED ٹیل لائٹس، ٹرنک لیمپ، ہائی ماؤنٹ لیمپ اور ٹرن سگنلز کے ساتھ الیکٹرکلی ایڈجسٹ ایبل رئیرویو مررز دئیے گئے ہیں۔

انٹیرئیر

گاڑی کے انٹیرئیر کی بات کی جائے تو گاڑی میں سمارٹ انٹری کے ساتھ پش اسٹارٹ سسٹم، آٹومیٹک سنٹرل ڈور لاکنگ، وائرلیس ٹرنک ڈور کی، آرم ریسٹ کے ساتھ 6 وے مینوئلی ایڈجسٹ ایبل فرنٹ سیٹس، ہائیٹ ایںڈ اینگل ایڈجسٹمنٹ کے ساتھ الیکٹرک پاور اسٹیئرنگ، بلوٹوتھ اور اسمارٹ فون کنیکٹیویٹی کے ساتھ 7 انچ ٹچ سکرین اور آٹو کلائمیٹ کنٹرول جیسی خصوصیات دونوں ویرینٹس میں موجود ہیں۔

ایکٹیو ویرینٹ میں نارنجی سلائی کے ساتھ فیبرک سیٹس دی گئی ہیں جبکہ Allure ویرینٹ میں سیٹس سرمئی سلائی کے ساتھ پریمیم TEP میٹریل سے بنائی گئی ہیں۔ 10 انچ کا انسٹرومنٹ کلسٹر ایکٹو ویرینٹ میں کوارٹز اور ایلور ویرینٹ میں 3D ہے۔

Allure ویرینٹ میں دیگر اضافی چیزوں میں آئس بلیو ایمبیئنٹ لائٹنگ، کروز کنٹرول، روف ریلز، رین سینسر، 6 اسپیکر (ایکٹیو ویرینٹ میں 4) اور پینورامک سن روف شامل ہیں۔

سیفٹی

پیجو 2008  میں بہت سے سیفٹی فیچرز دئیے گئے ہیں۔ سیٹ بیلٹس،ISOFIX چائلڈ سیٹ اینکرز، ٹائر پریشر مانیٹرنگ سسٹ(TPMS) ،  EBDکے ساتھ ABS، الیکٹرانک اسٹیبلٹی پروگرام، ہِل اسسٹ، الیکٹرک پارکنگ بریک، ریئر پارکنگ سینسرز دئیے گئے ہیں۔ رئیر کیمرہ دونوں ویرینٹس میں سٹینڈرڈ ہے۔

ایلور ویرینٹ میں ہائی بیم اسسٹ (HBA)، لین کیپ اسسٹ (LKA)، ڈرائیور اٹینشن اسسٹ، ایکٹیو بلائنڈ اسپاٹ ڈیٹیکشن اور فرنٹ سینسر، اور چھ ایئر بیگز (4 ایلور ویرینٹ میں) کی اضافی حفاظتی خصوصیات ہیں۔

رنگ

نئی لانچ کی جانے والی پیجو 2008 اورنج فیوژن، کلئیروائٹ، چیری بلیک اور سپارکنگ سِلور جیسے رنگوں میں دستیاب ہے۔

قیمت

پیجو 2008 کے بیس ویرینٹ ایکٹیو کی قیمت 5250000 روپے ہے جبکہ ٹاپ آف دی لائن ویرینٹ کی Allure کی قیمت 5850000 ہے۔

لکی موٹرز نے نئے B-سگمنٹ کراس اوور کی قیمت اپنی سب سے زیادہ فروخت ہونے والی سی سگمنٹ کِیا سپورٹیج سے بھی زیادہ رکھی ہے۔

پیجو 2008 کے آفیشل فیچرز اور خصوصیات اور قیمتوں کے بارے میں آپ کی کیا رائے ہے؟ نیچے دئیے گئے کمنٹ سیکشن میں اپنی رائے کا اظہار کریں۔