جب بھی ملک میں آٹو ایونٹس کی ترویج کا معاملہ ہو تو PakWheels.com ہمیشہ آگے آگے رہتا ہے۔ اس کی ایک مثال پاک ویلز آٹو شوز ہیں، جو 2011ء سے پاکستان کے عوام کو بھرپور تفریح فراہم کر رہے ہیں۔ اس آٹو شو کا بنیادی مقصد گاڑیوں کے شوقین افراد کو آگے بڑھنے میں مدد دینا ہے۔
اسی عزم اور ہدف کو ذہن میں رکھتے ہوئے پاک ویلز نے گوجرانوالہ میں ایک اور آٹو شو کا انعقاد کیا – ایک ایسے شہر میں جو اپنی صنعتی مصنوعات کی وجہ سے مشہور ہے۔ 8 مارچ 2020ء کو ماسٹر سٹی ہاؤسنگ اسکیم میں ہونے والے اس آٹو شو میں تقریباً 30،000 افراد نے شرکت کی اور اس ایونٹ کا بھرپور لطف اٹھایا۔ صرف گاڑیوں کے شوقین ہی نہیں بلکہ ہر شعبہ ہائے زندگی سے تعلق رکھنے والے افراد، یہاں تک کہ خاندان بھر کے افراد، نے بھی اس دلچسپ ایونٹ میں شرکت کی۔
آنے والے PakWheels.com کی مہمان نوازی سے بہت متاثر ہوئے۔ اس سال بھی اس شو میں چھ کیٹیگریز پیش کی گئیں جن میں وِنٹیج، لگژری اور 4×4 گاڑیاں شامل تھیں۔ یہی نہیں بلکہ کئی ایگزوٹک بائیکس بھی آٹو شو میں نمائش کے لیے پیش کی گئیں، جنہوں نے عوام کی بھرپور توجہ حاصل کی۔
مجموعی طور پر یہ شو بہت کامیاب رہا صرف پاک ویلز کے لیے ہی نہیں بلکہ گوجرانوالہ کے عوام کے لیے بھی کہ جو اپنے شہر میں اس آٹو شو کا شدت سے انتظار کر رہے تھے۔ ہم تمام اسپانسرز اور میڈیا پارٹنرز کا شکریہ ادا کرتے ہیں کہ جنہوں نے اس ایونٹ کو شاندار بنانے میں ہماری مدد کی۔
اس ایونٹ کے لیے ہمارے اسپانسرز ماؤنٹین ڈیو اور AGS تھے۔
2003ء میں اپنے آغاز سے اب تک PakWheels.com لاکھوں پاکستانیوں کو گاڑیوں کی خرید و فروخت میں مدد دے چکا ہے اور یوں ملک میں نمبر 1 آٹوموٹو پورٹل بن چکا ہے۔ خبروں سے لے کر جائزوں تک PakWheels.com مقامی اور بین الاقوامی آٹو انڈسٹری کے بارے میں عوام کو آگاہ رکھنے میں مدد دیتا ہے۔ زبردست آٹو شوز اور ریلیوں سے لے کر اپنی نوعیت کے اوّلین کار میلوں تک، ہم آٹو سیکٹر میں ایک انقلاب برپا کرنے میں پیش پیش ہیں۔
