پاک ویلز موبائل ایپس
PakWheels Blog

ٹرینڈنگ

Peshawar BRT
A bus drives along the newly-built corridor of the Peshawar Bus Rapid Transit (BRT), a rapid bus transit system running along an east-west corridor, during a test-run in Peshawar on August 5, 2020. (Photo by Abdul MAJEED / AFP)
خبریں

پشاور بی آر ٹی عالمی ایوارڈ کیلئے نامزد

لکھاری Sulman Ali
0 1,614

پشاور بی آر ٹی (بس ریپڈ ٹرانزٹ سسٹم) نے گلوبل سسٹین ایبل ٹرانسپورٹ ایوارڈ 2022 میں کافی پذیزائی حاصل کی ہے۔ ایشیا دویلپمنٹ بینک (ADB) پاکستان کے ایک ٹویٹ کے مطابق خیبر پختونخواہ (KP) کے صوبائی شہر نے شہریوں کی نقل و حرکت کو بہتر بنانے، ٹرانسپورٹیشن گرین ہاؤس اور فضائی آلودگی کے اخراج کو کم کرنے کے لیے یہ اعزاز حاصل کیا۔

ایک دوسری ٹویٹ میں ایشیا دویلپمنٹ بینک (ADB)  نے کہا کہ 9 فروری کو واشنگٹن ڈی سی، امریکہ میں ہونے والی ایک تقریب میں پشاور دنیا کے ان تین شہروں میں سے ایک ہو گا جنھیں ایوارڈ کیلئے منتخب کیا گیا ہے۔   ABD کے مطابق یہ ایوارڈ شہر کے جدید ترین ماحول دوست بس ریپڈ ٹرانسپورٹ سسٹم کے لیے ہے۔

پشاور کے ساتھ ساتھ کولمبیا کے دارالحکومت بوگوٹا اور ایسٹونیا کے شہر تارتو نے بھی یہ اعزاز حاصل کیا ہے۔

اس موقع پر جشن مناتے ہوئے، حکمران جماعت پی ٹی آئی کے سینیٹر، فیصل جاوید خان نے کہا کہ یہ تینوں شارٹ لسٹ کیے گئے شہر پائیداری کو ترجیح دے رہے ہیں اور تمام رہائشیوں کے لیے رسائی اور نقل و حرکت کو بڑھا رہے ہیں۔

ADB کا حوالہ دیتے ہوئے سینیٹر فیصل خان نے مزید کہا کہ ان نامزد شہروں نے ثابت کیا ہے کہ مضبوط سیاسی عزم، عوامی حمایت اور شرکت، سخت عمل درآمد اور عظیم وژن سے یہ سب چیزیں ممکن ہیں۔

پشاور بی آر ٹی کا افتتاح

یہ پشاور بی آر ٹی کے لیے ایک بڑی خبر ہے، جس کا افتتاح اگست 2020 میں کیا گیا تھا۔ اس کے آغاز سے قبل تکنیکی وجوہات کی بنا پر اس منصوبے کو مسلسل تاخیر کا سامنا کرنا پڑا۔ اس کے علاوہ تعمیراتی کمپنی نے اس میگا پراجیکٹ کے متعدد حصوں کو گرا کر دوبارہ تعمیر کیا۔

اس منصوبے کو شروع ہونے کے بعد بھی متعدد مسائل کا سامنا کرنا پڑا، جیسا کہ بسوں میں آگ لگنے کے واقعات دیکھے گئے۔ تاہم، صوبائی حکومت نے ان مسائل سے نمٹتے ہوئے اِسے مکمل طور پر فعال کیا۔ تب سے اب تک بی آر ٹی چل رہی ہے اور اب یہ ایوارڈ یقیناً پراجیکٹ کے لیے باعث تقویت ہوگا۔

یہ ٹرانزٹ سسٹم عوام کے لیے ایک بڑی سہولت ہے کیونکہ وہ شہر کے ایک حصے سے دوسرے حصے میں آسانی سے سفر کر سکتے ہیں۔ مزید برآں، یہ خواتین کے لیے ایک محفوظ سروس ہے کیونکہ وہ بغیر کسی پریشانی کے اس میں سفر کر سکتی ہیں۔

بی آر ٹی کے اس اعزاز کے بارے میں آپ کا کیا خیال ہے؟ کیا آپ کو لگتا ہے کہ اس سے ملک میں ٹرانزٹ سسٹم کی اہمیت مزید بڑھے گی؟ نیچے دئیے گئے کمنٹ سیکشن میں اپنی رائے کا اظہار کریں۔

 

 

 

Google App Store App Store
Sulman Ali
شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.

سوشل نیٹ ورکس پر ہم سے جڑیں
تمام جملہ حقوق © 2003 - 2025 بحق پاک ویلز پرائیوٹ لمیٹڈ محفوظ ہیں۔
قواعد و ضوابط |  پرائیویسی پالیسی

پاک ویلز ڈاٹ کام سے بغیر اجازت کسی بھی قسم کا مواد نقل کرنا ممنوع ہے۔

Join WhatsApp Channel