حکومت نے پاکستان میں پیٹرول کی قیمت میں آئندہ پندرہ روز کے لیے کمی کا اعلان کیا ہے۔ حکومت کی جانب سے کیے گئے اعلان کے مطابق پیٹرول کی قیمت میں 5.45 روپے کمی کی گئی ہے۔ نئی قیمت کا اطلاق یکم مئی 2024 سے ہوگا۔ قیمت میں کمی کے بعد اب پیٹرول 288.49 روپے فی لیٹر ہو چکی ہے جبکہ پرانی قیمت 293.94 روپے ہے ۔ دریں اثنا، ہائی سپیڈ ڈیزل (HSD) کی نئی قیمت 281.96 روپے ہو چکی ہے جبکہ پرانی قیمت 290.38 روپے فی لیٹر تھی۔ اس سے قبل پچھلی نظرثانی میں حکومت نے پیٹرول اور ڈیزل کی قیمت میں روپے 4.53 اور بالترتیب 8.14 روپے اضافہ کیا تھا۔
گزشتہ ہفتے میڈیا رپورٹس میں بتایا گیا تھا کہ وفاقی حکومت پیٹرول کی قیمت 4.88 روپے کمی کرنے کی تیاری کر رہی ہے جبکہ ہائی سپیڈ ڈیزل کی قیمت میں 7.37 روپے کی زبردست کمی دیکھی جا سکتی ہے۔ مزید برآں، کیروسین آئل اور لائٹ ڈیزل آئل (ایل ڈی او) کی قیمتوں میں 8.03 اور بالترتیب 5.37 روپے فی لیٹر کمی کی توقع تھی۔
آئل اینڈ گیس ریگولیٹری اتھارٹی (اوگرا) کے اعداد و شمار بتاتے ہیں کہ عالمی سطح پر پیٹرول پر پریمیم کی شرح 9.60 ڈالر فی بیرل تک گر گئی ہے، جبکہ ایچ ایس ڈی 6.50 ڈالر فی بیرل پر مستحکم ہے۔
اوگرا نے اپنی سفارشات 30 اپریل کو فنانس ڈویژن کو غور کے لیے پیش کیں۔ اس متوقع ایڈجسٹمنٹ کے تحت پیٹرول کی قیمت 293.94 روپے سے کم ہو کر 289.06 روپے فی لیٹر تک کم ہونے کا امکان تھا۔ اسی طرح ہائی سپیڈ ٰڈیزل کی قیمت 290.38 روپے سے کم ہو کر 283.01 روپے فی لیٹر ہونے کا امکان تھا۔
ایندھن کی قیمتوں میں یہ کمی پچھلے پندرہ روزہ جائزے سے متصادم ہے، جب قیمتوں میں اضافہ دیکھا گیا کیونکہ ایندھن کی قیمتیں پاکستان میں مہنگائی کی شرح سے براہ راست منسلک ہیں۔ قیمتیں بڑھتے ہی زیادہ تر روزمرہ استعمال کی اشیاء کی قیمتیں بھی بڑھ جاتی ہیں۔ پیٹرول کی قیمتوں میں ردوبدل سے ملک کی مجموعی اقتصادی سرگرمیوں پر نمایاں اثر پڑتا ہے۔
پاکستان میں پیٹرول کی نئی قیمت پر آپ کی کیا رائے ہے؟ کمنٹس سیکشن میں ہمیں بتائیں۔
