وزارت خزانہ نے پیٹرولیم مصنوعات کی نئی قیمتوں کے حوالے سے نوٹیفکیشن جاری کر دیا ہے جس میں صارفین کے لیے اچھی اور بری خبر شامل ہے۔ نوٹیفکیشن کے مطابق پیٹرول کی قیمت میں 9.41 روپے اضافہ کر دیا کیا گیا ہے۔ جس کے بعد پیٹرول کی نئی قیمت بڑھ کر 289.41 روپے فی لیٹر تک پہنچ گئی ہے۔
دوسری جانب ڈیزل صارفین کے لیے اچھی خبر ہے کیونکہ ڈیزل کی قیمت میں 3.32 روپے فی لیٹر کی کمی کی گئی ہے۔ جس کے بعد ڈیزل کی قیمت کم ہو کر 282.24 روپے فی لیٹر ہو چکی ہے۔
پیٹرول کی قیمت میں اضافہ انٹرنیشنل مارکیٹ میں جاری اتار چڑھاؤ کے علاوہ ملکی معاشی صورتحال کی عکاسی کرتا ہے۔
پیٹرول کی قیمت میں اضافے کی وجہ؟
اس اقدام کی وجوہات یا جس چیز نے نئی آنے ہونے والی حکومت کو پیٹرول کی قیمتوں میں بڑے اضافے پر مجبور کیا ہے، وہ بنیادی طور پر انٹرنیشنل مانیٹری فنڈ (آئی ایم ایف) کی پیٹرول پر 18 فیصد جنرل سیلز ٹیکس (جی ایس ٹی) لگانے کی سفارش ہے جس کے بعد حکومت کو بیل آؤٹ پیکج کی آخری قسط جاری کی جائے گی۔
مزید برآں، ایسی خبریں بھی موصول ہوئی ہیں کہ حکومت پیٹرولیم لیوی 60 روپے سے بڑھا کر 100روپے فی لیٹر لینے کا ارادہ رکھتی ہے۔ پیٹرولیم ڈویلپمنٹ لیوی نے حالیہ برسوں میں (خاص طور پر 2023 میں بڑے اضافے کے ساتھ) مختلف اتار چڑھاؤ دیکھے ہیں۔
ابتدائی طور پر پیٹرولیم لیوی جولائی 2022 میں 20 روپے فی لیٹر تھی جو کہ بعدازاں نومبر میں بڑھا کر 50 روپے کر دی گئی جو ستمبر 2023 تک مزید بڑھا کر 60 فی لیٹر کر دی گئی۔ فی الحال، حکومت پٹرول اور ڈیزل دونوں پر 60 روپے فی لیٹر لیوی لے رہی ہے جو قانون کے تحت حد سے زیادہ ہے۔
پیٹرول کی قیمتوں میں اضافے کے بارے میں آپ کا کیا خیال ہے؟ کمنٹس سیکشن میں ہمیں بتائیں۔
