اس موازنے سے قبل ہم آپ کو پیجو 3008 اور پیجو 5008 کے فیچرز و دیگر خصوصیات کے بارے میں تفصیل سے آگاہ کر چکے ہیں۔ پیجو 3008 ایک سی کلاس کومپیکٹ کراس اوور ایس یو وی ہے جبکہ پیجو 5008 ایک سی کلاس کومپیکٹ SUV ہے لیکن اس میں 7 سیٹس دی گئی ہیں۔
دونوں گاڑیوں کا تفصیلی موازنہ ذیل میں تفصیل سے بیان کیا گیا ہے۔
پیمائش
پیجو 3008 کی لمبائی 4450 ملی میٹر، چوڑائی 1850 ملی میٹر، اونچائی 1620 ملی میٹر جبکہ وہیل بیس 2675 ملی میٹر ہے۔ اگر اس کا موازنہ پیجو 5008 سے کیا جائے تو اس کی لمبائی 4640 ملی میٹر، چوڑائی 1840 ملی میٹر، اونچائی 1640 ملی میٹر جبکہ وہیل بیس 2840 ملی میٹر ہے یعنی پیجو 5008 اپنی مد مقابل پیجو 3008 سے نہ صرف زیادہ لمبی اور اونچی ہے بلکہ اس کی وہیل بیس بھی زیادہ ہے۔
ایکسٹیرئیر
دونوں گاڑیوں کے ایکسٹیرئیر کی بات کی جائے تو یہ کسی حد تک ایک جیسے ہیں۔ دونوں گاڑیوں میں ایل ای ڈی ہیڈلائٹس، DRLs، رئیر لائٹس اور 18 انچ کے الائے ویلز دیکھنے کو ملتے ہیں۔
انجن اور ٹرانسمشن
اسی طرح دونوں گاڑیوں میں ایک جیسا 16 سی سی ٹربو چارجڈ پیور ٹیک انجن دیا گیا ہے لیکن ان کی ہارس پاور میں فرق پایا جاتا ہے۔ پیجو 3008 میں دیا گیا انجن 162 ہارس پاور اور 250Nm ٹارک پیدا کرنے کی صلاحیت رکھتا ہے جبکہ پیجو 5008 کا انجن سائز میں بڑا ہونے کی وجہ سے زیادہ ہارس پاور پیدا کرتا ہے۔ ٹارک کی بات کی جائے تو دونوں انجن ایک جتنی ٹارک پیدا کرتے ہیں۔
اگر ان کراس اوورز کی ٹرانسمشن کا موازنہ کریں تو کمپنی دونوں گاڑیوں میں 6 سپیڈ آٹومیٹک ٹرانسمشن کے ساتھ فرنٹ وہیل ڈرائیو ڈرائیو ٹرین دے رہی ہے۔
انٹیرئیر
دونوں گاڑیوں کے انٹیرئیر کی بات کی جائے تو یہ کافی مماثلت رکھتے ہیں۔ دونوں میں 10 انچ فلوٹنگ ٹچ سکرین انفو ٹینمنٹ سسٹم، ڈوول زون کلائمیٹ کنٹرول، ڈرائیونگ موڈز، پش سٹارٹ،، سمارٹ کی انٹری اور پینورامک سن روف دیا گیا ہے۔ مختصر بات یہ ہے کہ دونوں گاڑیوں کے انٹیرئیرز میں کوئی خاص فرق نہیں پایا جاتا۔ تاہم، گاڑیاں لانچ ہونے کے بعد ان کا تفصیلی موازنہ پیش کیا جائے گا۔
سیفٹی
دونوں گاڑیوں پیجو 3008 اور 5008 میں 6 ائیربیگز، ABS، وہیکل سٹیبلٹی مینیجمنٹ، ایمرجنسی سٹیبلٹی پروگرام، ایڈاپٹیو کروز کنٹرول، ہِل سٹارٹ اسسٹ، رئیر ویو کیمرہ، پارکنگ سینسرز، لین ڈیپارچر وارننگ سسٹم جیسے سیفٹی فیچرز دئیے گیے ہیں۔ لہذا، مجموعی طور پر دونوں گاڑیوں میں تقریبا ایک جیسی سیفٹی فیچرز ہیں۔ پیجو 5008 میں سپیڈ لمِٹ سائن ریکَگنیشن اور ایڈوانس گرِپ کنٹرول جیسے اضافی فیچرز دئیے گئے ہیں۔
قیمت
گاڑیوں کی قیمت بارے تاحال حتمی معلومات فراہم نہیں کی گئیں۔
