ہنڈا ایچ آر وی کو حال ہی میں مزید کئی آپشنز، چمکتے رنگوں، سیفٹی فیچرز اور پرفارمنس میں معمولی اپ گریڈ کے ساتھ ایک نئی شکل دی ہے۔ یعنی کہ گاڑی کا نیا ویرینٹ سامنے آیا ہے۔HR-V کی پہلی جنریشن 1998 میں سامنے آئی، اس کے بعد دوسری جنریشن 2022 میں جاپان میں ویزل کے نام کے ساتھ سامنے آئی۔ رواں سال مینوفیکچرر نے ADAS اور کشادہ پن پر فوکس کرتے ہوئے تیسری نسل کو لانچ کر دیا ہے
ایکسٹیرئیر اور انٹیرئیر
ہنڈا نے اس نئے فیس لفٹ کے چار ویرینٹس متعارف کروائے ہیں۔ جن میں سپورٹس سٹائل، اربن سٹائل، کیژوئل سٹائل اور ایکٹو اسٹائل شامل ہیں۔ سٹائلنگ کے علاوہ اس نئے سب کمپیکٹ کراس اوور میں فرنٹ بمپ کے ڈیزائن میں تھوڑی تبدیلی کی گئی ہے۔ تاہم، سائز وہی ہے۔ گاڑی کے سپورٹی لُک کو بڑھانے کے لیے فرنٹ سپوئلر، سائیڈ اور رئیر سکرٹس، سائیڈ مررز اور ویزرز میں بھی معمولی تبدیلیاں کی گئی ہیں۔ سپورٹس اسٹائل R-V ملٹی اسپوک ڈیزائن اور ٹو ٹون سٹائل کے ساتھ 18 انچ کے الائے وہیلز دئیے گئے ہیں۔
اسی طرح انٹیرئیر میں وہی پرانا سنٹر کنسول جبکہ سٹوریج سپیس میں تھوڑی تبدیلی سامنے آئی ہے۔ گاڑی کے انٹیریئر میں نئے کمبینیشنز متعارف کرائے گئے ہیں۔
ہنڈا سینسنگ فیچرز میں تبدیلی
ویزل 2024 میں ہنڈا سینسنگ کی تین اضافی خصوصیات شامل کی گئی ہیں، جن میں ٹریفک جام اسسٹ، اڈاپٹیو ڈرائیونگ بیم، اور سڈن ایکسلریشن سپریشن فنکشن شامل ہیں۔ دیگر قابل ذکر حفاظتی خصوصیات میں بلائنڈ سپاٹ مانیٹرنگ سسٹم، کولیژن میٹیشن بریکنگ، لین کیپ، روڈ ڈیپاچر پریوینشن، پارکنگ سینسرز اور دیگر شامل ہیں۔
انجن
گاڑی میں دئیے گئے پاور ٹرین کے آپشنز بھی وہی ہیں، یعنی کہ 1.5L i- VTEC انجن دیا گیا ہے جو کہ سی وی ٹی ٹرانسمشن کے ساتھ 117 ہارس پاور اور 142 نیوٹن میٹر ٹارک پیدا کرتا ہے۔ دوسرا ویرنٹ 1.5L e:HEVہائبرڈ ہے جو 129 ہارس پاور اور 253 نیوٹن میٹر ٹارک پیدا کرتا ہے۔ یہاں ہنڈا نے تھروٹل رسپانس، ہائبرڈ ٹیکنالوجی اور تھروٹل رسپانس میں بہتری کا بھی دعویٰ کیا ہے۔
ہنڈا HR-V کے فیس لفٹ کے بارے میں آپ کا کیا خیال ہے؟ کمنٹس سیکشن میں ہمیں بتائیں۔
