کل ہم نے آپ کو ہنڈا سوِک میں دئیے جانے والے ایک نئے فیچر کے بارے میں بتایا تھا جس کے بارے میں کمپنی نے اپنی ایک سوشل میڈیا پوسٹ بات کی تھی۔ کمپنی کے مطابق اب ہونڈا سوِک اوریئل اور آر ایس میں وائرلیس چارجنگ کا فیچر شامل ہوگا۔ اس سے پہلے، یہ آپشن سیڈان کے کسی بھی ویرینٹ میں دستیاب نہیں تھا۔
کمپنی نے اس بارے صارفین کو ہدایت کی کہ مزید تفصیلات کے لیے اپنی قریبی ہنڈا تھری ایس ڈیلرشپ پر جائیں۔
اس پوسٹ کے بعد سب سے بڑا سوال یہ تھا کہ اس نئے فیچر کی قیمت کیا ہوگی، لہٰذا ہم نے اپنے ذرائع سے پوچھا اور ہمیں اس کا جواب مل گیا۔
ہنڈا سوِک میں وائرلیس چارجنگ کی قیمت
ہمارے آفیشل ذرائع نے بتایا کہ ہنڈا سوِک میں اس نئے وائرلیس چارجنگ فیچر کی قیمت 55,000 روپے ہے، یعنی آپ کو کار کی قیمت کے علاوہ یہ رقم ادا کرنی ہوگی، جو ہمارے خیال میں جائز ہے اور گاڑی میں ایک اچھا اضافہ ہے۔ لہٰذا، اگر آپ اس فیچر کے ساتھ نئی سوِک خریدنے کا ارادہ رکھتے ہیں تو اپنے قریبی ڈیلرشپ پر جائیں اور بکنگ کریں۔
نئی ہنڈا سوِک پاکستان میں 2022 میں لانچ کی گئی تھی، جو کہ انٹرنیشنل لانچ کے قریباً ایک سال بعد آئی اور یہ ہنڈا اٹلس کی جانب سے پاکستان میں سوِک کی نئی جنریشن متعارف کرانے کا ایک قابل تعریف قدم ہے۔ یہ گاڑی، خاص طور پر نوجوانوں میں، اس کی آرام دہ ڈرائیو کے لئے پسندیدہ رہی ہے۔ دوسری جانب یہ نیا اضافہ ممکنہ طور پر ہنڈا سوِک کی صارفین کے لیے کشش میں اضافہ کرے گا۔
آپ ہنڈا سوِک میں وائرلیس چارجنگ آپشن کے بارے میں کیا سوچتے ہیں؟ کیا آپ کو لگتا ہے کہ اس کی قیمت مناسب رکھی گئی ہے؟ کمنٹس سیکشن میں ہمیں بتائیں
