کِیا پکانٹو، سپورٹیج اور سورینٹو کی قیمتوں میں کمی

فنانس بل 2021 میں فیڈرل ایکسائز ڈیوٹی میں 2.5 فیصد کمی کے بعد کِیا لکی موٹرز کی جانب سے بھی قیمتوں میں کمی واقع ہوئی ہے۔ ںوٹیفیکیشن کے مطابق کمپنی نے کِیا پکانٹؤ، کِیا سپورٹیج اور کِیا سورینٹو کی قیمتوں میں کمی کردی ہے جن کا اطلاق یکم جون سے ہو چکا ہے۔

نئی قیمتیں

کیِا پکانٹو:

کِیا پکانٹو 1.0L A/T کی قیمت میں 127,791 روپے کی کمی دیکھی جا سکتی ہے جس کے بعد گاڑی کی نئی قیمت 1,922,000 روپے ہو جائے گی جبکہ اس کی پرانی قیمت 2,049,000 روپے تھی۔ اس کے علاوہ پکانٹو1.0L M/T کی قیمت میں 118000 روپے کی کمی کے بعد نئی قیمت 1,781,000 روپے ہے جبکہ اس کی پرانی قیمت 1,899,000 روپے ہے۔

کیا سپورٹیج

کِیا سپورٹیج کے دو ویرینٹس کی قیمتوں میں 129,000 روپے اور 117,000 روپے کی کمی کی گئی ہے۔ یعنی سپورٹیج AWD کا ریٹ 5,399,000 روپے سے کم ہو کر 5,270,504 روپے ہو گیا ہے جبکہ سپورٹیج FWD کی قیمت 4,899,000 روپے سے کم ہو کر4,782,404 روپے ہو گئی ہے۔

اس کے علاوہ سپورٹیج الفا کی قیمت میں 105,000 روپے کی کمی گئی ہے جس کے بعد گاڑی کی قیمت 4,399,000 روپے سے کم ہو کر 4,294,000 روپے ہو گئے۔

کِیا سورینٹو

کِیا سورینٹو کے تین ویرینٹس پائے جاتے ہیں۔ سورینٹو 2.4 AWD کی قیمت میں 187,000 روپے کی کمی کی گئی ہے جس کے بعد گاڑی کی قیمت کم ہو کر 7,812,000 روپے ہو گئی ہے جبکہ پرانی قیمت 7,999,000 روپے ہے۔ سورینٹو کا دوسرا ویرینٹ سورینٹو 2.4 FWD کی قیمت میں 163,000 روپے کی کمی کے بعد گاڑی کی نئی قیمت 6,836,000 روپے ہو چکی ہے جبکہ اس کی پرانی قیمت 6,999,000 روپے ہے۔ اسی طرح سورینٹو 3.5 FWD کی قیمت میں 196,000 روپے کمی کی گئی ہے جس کے بعد گاڑی کی قیمت 8,399,000 سے کم ہو کر 8,203,000 روپے رہ گئی ہے۔