ٹویوٹا کے بعد پروٹون پاکستان نے بھی بکنگ کی ادائیگیوں کی واپسی شروع کر دی ہے جو کہ پروٹون صارفین کے لیے نسبتاً اچھی خبر ہے۔ کمپنی نے ادائیگیاں واپس کرنے کے شیڈول کا اعلان کیا ہے۔ ایک نوٹیفکیشن کے مطابق کمپنی نے اپنے صارفین کے صبر اور تعاون کا شکریہ ادا کیا۔ کمپنی نے کہا کہ “ہمیں متعدد وجوہات کی بنا پر بھاری رقم کی واپسی کی درخواستیں موصول ہوئی ہیں۔ ڈیلیوری میں تاخیر اور بڑھتے فریٹ ریٹ اور ڈالرکے مقابلے میں روپے کی قدر میں کمی کی وجہ سے قیمتوں میں ناگزیر تبدیلی اس کی بڑی وجوہات ہیں۔
نوٹیفکیشن میں مزید کہا گیا ہے کہ الحاج نے اب تک زیادہ سے زیادہ ادائیگیوں کو واپس کرنے کی پوری کوشش کی ہے۔ ہمیں آپ کو یہ بتاتے ہوئے خوشی ہو رہی ہے کہ اب سے نیچے دیے گئے ریفنڈ شیڈول پر عمل کیا جائے گا۔
ٹویوٹا کی طرف سے رقم کی واپسی
پچھلے ہفتے، ٹویوٹا نے پروڈکشن بند کرنے کی وجہ سے صارفین کو 100 فیصد مارک اپ کے ساتھ بکنگ کی ادائیگی واپس کرنے کی پیشکش شروع کی۔ کمپنی نے کہا کہ فروری اور مارچ میں بہت کم تعداد میں یونٹ تیار کیے جائیں گے۔ انڈس موٹر کمپنی (IMC) کے چیف ایگزیکٹو آفیسر نے کہا کہ حالیہ درآمدی پابندیوں نے مقامی کاروں کی صنعت کو تباہ کر دیا ہے۔ موجودہ حکومت کو چاہیے کہ وہ سیاسی استحکام کے حصول کے لیے فوری اقدامات کرے تاکہ گرتے ہوئے معاشی گراف میں استحکام آئے۔
کمپنی نے مزید کہا کہ ہم اپنی صلاحیت کے 40 سے 45 فیصد پر کام کرنے پر مجبور ہیں۔ جب تک ان پابندیوں میں نرمی نہیں کی جاتی پلانٹ کی مکمل بندش ناگزیر رہے گی۔
کمپنی نے کہا کہ روپے کی مسلسل کمزوری پیداوار کی لاگت کو زیادہ مشکل کر رہی ہے جس کے نتیجے میں طلب اور رسد کے مسائل اور کم مارجن کی کے مسائل بھی سامنے آ رہے ہیں۔
اور دلچسپ بات یہ ہے کہ یہ پہلا موقع نہیں ہے جب IMC 100% ریفنڈ کا اعلان کر رہا ہے۔ اس سے پہلے، کمپنی نے تاخیر اور غیر یقینی ترسیل کی تاریخوں کی وجہ سے بکنگ کی ادائیگی سود کے ساتھ ادا کی تھی۔
پروٹون پاکستان کی طرف سے رقم کی واپسی پر آپ کا کیا موقف ہے؟ براہ کرم تبصرے کے سیکشن میں اپنے خیالات کا اشتراک کریں۔
