کمپنی پروٹون X70 کی آفیشل خصوصیات اور فیچرز سامنے لے آئی ہے۔ یہ بات قابلِ ذکر ہے کہ کمپنی نے اس کومپیکٹ SUV کی رونمائی کل کی تھی۔ کمپنی 18 دسمبر 2020ء کو ایک ڈجیٹل تقریب میں اس کی آفیشل لانچ کرے گی۔
اب اس نئی گاڑی کی آفیشل فیچرز اور تفصیلات ظاہر کر دی گئی ہیں، جو کچھ یوں ہیں:
پروٹون X70 کا انجن:
یہ گاڑی 1500cc ٹربوچارجڈ انجن کے ساتھ آتی ہے، جو 177hp اور 255Nm ٹارک پیدا کرتا ہے، اور ڈوئل کلچ ٹرانسمیشن (DCT) کے ساتھ آتا ہے۔
الائے رِمز:
کمپنی نے نئی SUV میں 19-انچ کے الائے رِمز لگا رکھے ہیں۔
سینسرز:
کمپنی نے اس گاڑی میں پارکنگ اور دروازہ کھلنے کے سینسرز لگا رکھے ہیں۔ اس کا مطلب ہے کہ یہ چلانے کے لیے کافی محفوظ گاڑی ہے۔
پروٹون X70 میں سیفٹی:
پروٹون X70 چھ ایئربیگز، بریک اسِسٹ اور وہیکل اسٹیبلٹی کنٹرول پیش کرتی ہے، جو اسے آپ اور آپ کے گھر والوں کے لیے محفوظ گاڑی بنا رہے ہیں۔
وائس کنٹرول:
کمپنی پہلے ہی اس SUV میں وائس کنٹرول کا جدید فیچر انسٹال کر چکی ہے، جس کا مطلب ہے کہ آپ کار کے کئی فیچرز کو اپنی آواز سے کنٹرول کر سکتے ہیں۔ اس سے ڈرائیونگ کا تجربہ کسی بھی جھنجھٹ سے پاک اور مزیدار ہو جاتا ہے۔
کروز کنٹرول:
نئی گاڑی کروز کنٹرول آپشن کے ساتھ آتی ہے، جس کا مطلب ہے کہ آپ گاڑی کو ہائی وے پر کسی خاص رفتار پر چلا سکتے ہیں، یوں آپ کا سفر بہت آرام دہ ہو جاتا ہے۔
پروٹون X70 کی سیٹیں:
کمپنی کے مطابق گاڑی کی سیٹیں ہِیٹڈ ہوں گی۔ یہ فیچر ڈرائیور اور مسافروں کے آرام کے لیے زبردست ہے۔
سن رُوف:
یہ گاڑی پینورامک سن رُوف رکھتی ہے، جو ڈرائیور اور مسافر کو کشادہ گاڑی ہونے کا احساس دیتی ہے۔
کیمرا:
مینوفیکچرنگ کمپنی نے گاڑی میں 360 ڈگری ویو کیمرے لگا رکھے ہیں، جو ڈرائیور کو ہر طرف کا منظر دیتے ہیں اور اس کی ڈرائیو کو بہت محفوظ بناتے ہیں۔
