گلوری اور پرنس پرل کی قیمتوں میں بھی اضافہ

کِیا، ہںڈا، ٹویوٹا اور سوزوکی کے بعد ریگل پرنس نے بھی گاڑیوں کی قیمتوں میں اضافہ کر دیا۔ کمپنی کے مطابق قیمتوں میں دو مراحل میں اضافہ کیا جائے گا۔

مرحلہ 1: پہلے مرحلے میں نئی قیمتیں 15 نومبر سے 30 تک لاگو ہوں گی۔

مرحلہ 2: نئی بکنگ کے لیے قیمت یکم دسمبر 2021 سے لاگو ہوگی۔

گلوری کی نئی قیمتیں

گلورہی 580 1.5T CVT کی موجودہ قیمت 4229000 روپے ہے اور پہلے مرحلے میں اس میں 155000 روپے کا اضافہ کیا جائے گا جس کے بعد یہ قیمت بڑھ کر 4384000 روپے تک ہو جائے گی۔ یکم دسمبر کے بعد اس میں دوبارہ 155000 روپے کا اضافہ کر کے اسے 4539000 روپے کر دیا جائے گا۔

دریں اثنا، گلوری 580 1.8T CVT کی موجودہ قیمت 4379000 روپے ہے، اور 30 ​​نومبر تک، اس میں بھی 155000 روپے کا اضافہ دیکھنے میں آئے گا جس کے بعد گاڑی کی قیمت 4534000 روپے ہو جائے گی۔ یکم دسمبر کو 155000 روپے کے دوسرے اضافے کے بعد قیمت 4689000 روپے تک پہنچ جائے گی۔

تیسرے ویریئنٹ گلوری 580 پرو ہے اور اس کی موجودہ قیمت 4610000 روپے ہے۔ پہلے مرحلے میں اس گاڑی کی قیمت میں 155000 روپے کے اضافے کے بعد یہ قیمت 4765000 روپے ہو جائے گی اور 155000 روپے کے دوسرے اضافے کے بعد اس کار کی نئی قیمت 4920000 روپے ہو جائے گی۔

مختصراً یکم دسمبر 2021 کے بعد قیمتوں میں 310000 روپے کا اضافہ کیا جائے گا۔

پرنس پرل کی نظر ثانی شدہ قیمتیں

پرنس پرل کی قیمت میں 188000 روپے کا اضافہ کیا جائے گا جس کے بعد گاڑی کی قیمت 1111000 روپے سے بڑھ کر 1299000 روپے ہو جائے گی۔

یہ نئی قیمتیں 12 نومبر 2021 سے لاگو ہوں گی۔

یہ بات قابل ذکر ہے کہ کِیا لکی موٹرز، ہنڈا اٹلس، ٹویوٹا انڈس اور پاک سوزوکی نے بھی اپنی گاڑیوں کی قیمتوں میں اضافہ کیا ہے۔ کمپنیوں کے مطابق قیمتوں میں زیادہ شپمنٹ چارجز،میٹیریل کی بڑھتی ہوئی قیمت اور روپے کی قدر میں کمی کی وجہ سے اضافہ کیا گیا ہے۔ یہ اضافہ یقینی طور پر عام آدمی کی قوت خرید کو متاثر کرے گا۔

 

آپ کے خیال میں کیا یہ اضافہ جائز ہے؟ نیچے دئیے گئے کمنٹ سیکشن میں اپنے خیالات کا اظہار کریں۔