سعودی عرب کی وافی انرجی LLC شیل پاکستان لمیٹڈ (SHEL) کے 77.42 فیصد تک حصص خریدنے کی کوشش کر رہی ہے۔ فیول کے کاروبار میں نمایاں یہ کمپنی شیل پاکستان لمیٹڈ کے ذریعے جنوبی ایشیائی مارکیٹ میں داخل ہونے کے خواہاں ہیں۔
شیل نے پاکستان اسٹاک ایکسچینج (PSX) کو ایک حالیہ نوٹس میں آگاہ کیا ہے کہ وافی انرجی LLC نے کمپنی کے خاطر خواہ حصص حاصل کرنے کے پختہ ارادے کا اظہار کیا ہے۔ یہ حصول ممکنہ طور پر پاکستان میں شیل کے آپریشنز کے منظر نامے کو نئی شکل دے سکتا ہے۔
WAFI انرجی
وافی انرجی ایل ایل سی ایک اہم ریٹیل گیس اسٹیشن نیٹ ورک ہے جو تیزی سے ترقی کی راہ پر گامزن ہے۔ یہ کمپنی 2012 میں 3 ملین سعودی ریال کے سرمائے کے ساتھ قائم کی گئی تھی۔ اس کے پاس سعودی عرب بھر کے گیس اسٹیشنوں میں شیل کے ریٹیل نیٹ ورک کے لیے خصوصی لائسنس ہے۔ جس سے ظاہر ہوتا ہے کہ یہ کمپنی توانائی کے شعبے میں کس قدر بااثر ہے۔
وافی انرجی کا یہ اقدام شیل پیٹرولیم کمپنی لمیٹڈ (SPCO) کی جانب سے اس سال کے شروع میں پاکستانی ادارے میں اپنے حصص کی تقسیم کے اپنے ارادے کے اعلان کے بعد سامنے آیا ہے۔ شیل پاکستان کی جانب سے پاکستانی مارکیٹ میں شیل پاکستان کو خریدنے اور اس سے متعلق دلچسپی کا اظہار کرنے والے ممکنہ خریداروں کا ایک سلسلہ دیکھا ہے۔ اس سے خطے میں شیل کی تزویراتی اہمیت کی عکاسی ہوتی ہے۔
قابل ذکر بات یہ ہے کہ یہ پیشرفت پاکستان ریفائنری لمیٹڈ (PRL) اور ایئر لنک کمیونیکیشن (AIRLINK) کی طرف سے شیل پاکستان لمیٹڈ میں کافی حصص حاصل کرنے کے لیے مشترکہ اظہار دلچسپی کے بعد سامنے آئی ہے۔ بلومبرگ نے پہلے سعودی آرامکو کی جانب سے پاکستان میں شیل پی ایل سی کے اثاثوں کے لیے ممکنہ بولی کی خبر دی تھی۔
