سازگار-بی اے آئی سی کی گاڑیاں پاکستان انٹرنیشنل آٹو شو 2020ء میں پیش کی جائیں گی

سازگار انجینئرنگ ورکس لمیٹڈ 21 فروری سے شروع ہونے والے پاکستان انٹرنیشنل آٹو شو 2020ء میں حصہ لینے کے لیے مکمل طور پر تیار ہے۔ 

تفصیلات کے مطابق کمپنی پاکستان کے سب سے بڑے آٹو شو میں بڑی اِنٹری کے لیے تیار ہے کہ جہاں وہ BAIC کی گاڑیوں کی رُونمائی کرے گا۔ رواں سال پاکستان انٹرنیشنل آٹو شو (PAPS) 2020ء ایک مرتبہ پھر ایک تین روزہ ایونٹ ہوگا کہ جو 21 فروری سے شروع ہوگا اور 23 فروری 2020ء تک چلے گا۔ 

یہ ایونٹ لاہور انٹرنیشنل ایکسپو میں منعقد ہو رہا ہے۔ کمپنی کی جانب سے اس سال کے ایونٹ میں BAIC کی آنے والی گاڑیاں پیش کرنا متوقع ہے: 

• BAIC BJ40 پلس (آف روڈ گاڑی) 
• BAIC سینووا X25 (کومپیکٹ کراس اوور) 
• BAIC سینووا D20 (5-دروازوں کی ہیچ بیک) 

مندرجہ بالا BAIC ماڈلز پاکستان کے مقامی آٹو سیکٹر میں متعارف کروانے کے لیے کمپنی کے ارادوں کا حصہ ہیں۔ BAIC BJ40 پلس ایک حقیقی آف روڈ گاڑی ہے جس کا 4 دروازوں والا ورژن 2018ء میں پیش کیا گیا تھا۔ یہ دو مختلف انجن آپشنز کے ساتھ آتی ہے، 2.0-لیٹر ٹربو  اور 2.3 لیٹر ٹربو کہ جو مینوئل اور آٹومیٹک ٹرانسمیشن سے منسلک ہوتے ہیں۔

حال ہی میں BAIC سینووا X25 اور 5 دروازوں والی ہیچ بیک BAIC سینووا D20 کو لاہور میں تجرباتی مراحل سے گزرتے دیکھا گیا تھا۔ یہ ظاہر کرتا ہے کہ پاکستان کی مقامی صنعت میں متعارف کروائے جانے سے پہلے اپنی گاڑیوں کی مقامی سڑکوں پر آزمائش کر رہا ہے۔ BAIC سینووا X25 ایک سب کومپیکٹ کراس اوور ہے کہ جس نے 2015ء میں آغاز لیا تھا۔  یہ 1.5 لیٹر انجن کے ساتھ آتی ہے کہ جو مینوئل یا آٹومیٹک ٹرانسمیشن سے لیس ہوتا ہے۔

تیسری گاڑی 5- دروازوں کی ہیچ بیک ہے کہ جسے BAIC سینووا برانڈ کے تحت بنا رہا ہے۔ D20 کی پیداوار 2012ء میں شروع ہوئی اور اب یہ دو مختلف انجن آپشنز میں آتی ہے 1.3 لیٹر یا 1.5 لیٹر کے ساتھ 5-اسپیڈ مینوئل اور آٹومیٹک ٹرانسمیشن میں۔ سازگار انجینئرنگ ورکس نے اب تک ان گاڑیوں کو لانچ کرنے کی تاریخ ظاہر نہیں کی۔ یہ کمپنی کے لیے بہترین موقع ہے کہ ان گاڑیوں کے CBU یونٹس پیش کرے اور مستقبل کے ممکنہ خریداروں سے رابطہ کرے۔ 

سازگار نے چین کے سرکاری بیجنگ آٹوموٹو انڈسٹری کارپوریشن BAIC کے ساتھ تعاون کیا اور مارچ 2018ء میں وزارت صنعت و پیداوار (MoI&P) سے کیٹیگری A گرین فیلڈ اسٹیٹس حاصل کیا۔ مقامی کمپنی کی جانب سے بنائی جانے والی گاڑیاں BAIC کے برانڈ نام کے ساتھ فروخت کی جائیں گی۔

کمپنی کا پیداواری پلانٹ پنجاب کے صوبائی دارالحکومت میں واقع ہے، جو 24,000 یونٹس سالانہ کی پیداواری صلاحیت رکھتا ہے۔ سازگار کے علاوہ ہیونڈائی نشاط موٹرز بھی لاہور میں منعقدہ ایونٹ میں حصہ لینے کا خواہشمند ہے۔ جنوبی کوریائی آٹو کمپنی  اپنی متعدد آنے والی گاڑیاں PAPS 2020 میں نمائش کے لیے پیش کرے گا کہ جن میں ٹکسن، ایلانٹرا اور سوناٹا شامل ہیں۔ 

اس سال آٹو شو میں مختلف گاڑیاں اور آٹو پارٹس بنانے والے، سپلائرز اور آٹو سروس فراہم کرنے والے حصہ لیں گے۔ 

اپنی قیمتی رائے نیچے تبصروں میں پیش کیجیے اور آٹوموبائل انڈسٹری کی مزید خبروں کے لیے پاک ویلز کے ساتھ رہیے۔