یہ سوزوکی سیاز کا 2017 ماڈل ہے، جو ایک فیملی سائز سیڈان ہے۔ سوزوکی 1300cc میں کبھی کبھار ہی کوئی گاڑی لاتا ہے اور زیادہ تر پاکستان میں 1000cc کی گاڑیوں میں ہی مشہور ہے۔ اس کی مقبول کاروں میں مہران، ویگن آر، کلٹس اور آلٹو شامل ہیں۔ سیاز پاکستانی صارفین میں اتنی مقبولیت حاصل کرنے میں ناکام رہی، جس کی بنیادی وجہ ہے ہونڈا اور ٹویوٹا کا پہلے ہی سے اس سیگمنٹ میں غلبہ۔ ان کی پیش کی گئی گاڑیاں قابلِ اعتماد ہیں اور ان کی ری سَیل مارکیٹ بھی مضبوط ہے۔ سوزوکی کے لیے اس سیگمنٹ میں داخل ہونا ہمیشہ سے مشکل رہا ہے۔ اس کار کا مالک اس سے پہلے ایک ٹویوٹا پاسو کا مالک تھا۔ پاکستان میں سوزوکی سیاز ایک تھائی لینڈ میں اسمبل کی گئی کار ہے۔ مالک نے یہ سیڈان 2019 میں 18 لاکھ روپے میں استعمال شدہ حالت میں خریدی تھی۔ اس وقت مینوئل ویرینٹ کی ایکس-فیکٹری قیمت 23 لاکھ روپے ہے، اور آٹومیٹک ویرینٹ کی 25 لاکھ روپے
ایکسٹیریئر
سوزوکی سیاز ایکسٹیریئر کے پانچ رنگوں میں دستیاب ہے: کالا، سفید، سلوَر، براؤن اور گرے۔ بطور اسٹینڈرڈ یہ کار ویل کوَرز کے ساتھ 15-انچ کے اسٹیل ویلز میں آتی ہے۔ اس کی ڈِگی میں اسپیئر وِیل بھی ہوتا ہے۔ فرنٹ گرِل اسٹینڈرڈ کے طور پر مکمل طور پر کروم ہے۔ دونوں اگلے اور پچھلے بمپرز، دروازوں کے ہینڈلز اور ڈور مِررز باڈی کے رنگ کے ہی ہیں۔ اس کار میں پروجیکٹر ہیلوجن ہیڈ لیمپس دیے گئے ہیں۔ کیبن کو روشن کرنے کے لیے دو اور ڈِگی کے لیے ایک لیمپ دیا گیا ہے۔ فینڈرز میں ہائی ماؤنٹڈ اسٹاپ لیمپ اور ٹرن سگنلز فراہم کیے گئے ہیں۔ اس کار میں ڈِگی کو الیکٹریکلی کھولا جاسکتا ہے۔ ایکسٹیریئر کی ایکسیسریز جو آپ سیاز کے ساتھ خرید سکتے ہیں، میں فرنٹ گرِل گارنش، ڈور وائزرز، ریئر بمپر اسٹیپ گارڈ، فوگ لیمپس، فوگ لیمپس گارنش، ٹرنک لِڈ گارنش، کارپٹ فلور میٹس اور آل-ویدر فلور میٹس شامل ہیں۔
انٹیریئر
انٹیریئر کیبن میں پانچ مسافر آسانی سے بیٹھ سکتے ہیں۔ پاور اسٹیئرنگ اسٹینڈرڈ کے طور پر دیا گیا ہے، اور اسپیڈومیٹر انفارمیشن ڈسپلے میں ٹمپریچر اور فیول گیجز، ہیڈلائٹ-آن ریمانڈر، دروازے کے کھلے رہنے کے حوالے سے وارننگ لیمپ اور سیٹ بیلٹ ریمائنڈر شامل ہیں۔ ڈور ٹرِم کپڑے کا بنا ہوا ہے، اور سن وائزرز ڈرائیور اور مسافر دونوں کے لیے دیے گئے ہیں۔ اگلے اور پچھلے دونوں حصوں میں دو، دو کپ ہولڈرز دیے گئے ہیں۔ سینٹر کنسول میں ایک ایکسیسری ساکٹ دیا گیا ہے۔ اگلے اور پچھلے حصوں میں دو، دو بوتل ہولڈرز ہیں۔ الیکٹرک مِررز اور وِنڈوز بھی سیاز میں اسٹینڈرڈ کے طور پر شامل ہیں۔
سِیٹ upholstery کپڑے کی ہے اور صرف ڈرائیور کی سیٹ میں ہی ہائٹ ایڈجسٹمنٹ فیچر موجود ہے۔ ڈرائیور اور مسافر دونوں کی سیٹوں کے پیچھے پاکٹس لگی ہوئی ہیں۔ پچھلے حصے میں سینٹر آرم ریسٹ کپ ہولڈرز کے ساتھ دیا گیا ہے اور پیچھے بیٹھنے والے مسافروں کے لیے ہیڈریسٹس بھی دیے گئے ہیں۔ ایئر کنڈیشنگ، ہیٹر اور پاور ڈور لاکس بھی اسٹینڈرڈ فیچرز ہیں۔ ایئر کنڈیشنگ سسٹم مینوئل ہے جو پولن فلٹر کے ساتھ آتا ہے۔ آڈیو سسٹم چار اسپیکر، پیچھے شیشے پر لگے ایک انٹینا اور AM / FM، CD، MP3 اور USB کنیکٹیوِٹیز رکھتا ہے۔ اس کا انٹیریئر زیادہ تر کالے رنگ کا ہے اور ٹویوٹا کرولا جیسی سیڈان کے جدید ڈیزائن عناصر کے مقابلے میں سے ذرا پرانا لگتا ہے۔
سوزوکی سیاز 2017 ماڈل – مالک کا ریویو – وڈیو:
پرفارمنس
یہ سیڈان K14B 1.4L 4-سلنڈر انجن کے ساتھ آتی ہے جو 68Kw کی پاور اور 130Nm ٹارک پیدا کرتا ہے۔ اس انجن کو 5-اسپیڈ مینوئل ٹرانسمیشن سے ملایا گیا ہے؛ تاہم، آپ 4-اسپیڈ آٹومیٹک ٹرانسمیشن کا انتخاب بھی کرسکتے ہیں۔ اس کار میں نیا VVT پٹرول انجن نئے پسٹن کراؤنز اور سلنڈر ہیڈز کے ساتھ آتا ہے۔ یہ اس سیڈان کی بہتر پرفارمنس اور ایندھن کی بچت کا باعث بنتا ہے۔ اس کار کا فیول ایوریج شہر کے اندر 15 کلومیٹر فی لیٹر ہے اور ہائی وے پر یہ 17 کلومیٹر فی لیٹر تک دے سکتی ہے۔ اس کار میں ایک وقت میں آئل اور فلٹر کی تبدیلی آپ کو 4,500 روپے کی پڑ سکتی ہے۔
پرفارمنس
یہ سیڈان K14B 1.4L 4-سلنڈر انجن کے ساتھ آتی ہے جو 68Kw کی پاور اور 130Nm ٹارک پیدا کرتا ہے۔ اس انجن کو 5-اسپیڈ مینوئل ٹرانسمیشن سے ملایا گیا ہے؛ تاہم، آپ 4-اسپیڈ آٹومیٹک ٹرانسمیشن کا انتخاب بھی کرسکتے ہیں۔ اس کار میں نیا VVT پٹرول انجن نئے پسٹن کراؤنز اور سلنڈر ہیڈز کے ساتھ آتا ہے۔ یہ اس سیڈان کی بہتر پرفارمنس اور ایندھن کی بچت کا باعث بنتا ہے۔ اس کار کا فیول ایوریج شہر کے اندر 15 کلومیٹر فی لیٹر ہے اور ہائی وے پر یہ 17 کلومیٹر فی لیٹر تک دے سکتی ہے۔ اس کار میں ایک وقت میں آئل اور فلٹر کی تبدیلی آپ کو 4,500 روپے کی پڑ سکتی ہے۔
سیفٹی
کار کی بریکنگ کو بہتر بنانے کے لیے فرنٹ پر وینٹی لیٹڈ ڈسک بریکس لگائے گئے۔ اس کار کی سیفٹی کو بہتر بنانے کے لیے ڈرائیور اور آگے بیٹھنے والے مسافر کے لیے دو ائیر بیگز فراہم کیے گئے ہیں۔ اینٹی لاک بریکنگ سسٹم (ABS) اور الیکٹرانک بریک فورس ڈسٹری بیوشن (EBD) بھی اسٹینڈرڈ کے طور پر شامل کی گئی ہیں۔ دیگر سیفٹی فیچرز میں چائلڈ پروف ریئر ڈور لاک، اموبیلائزر، سیکیورٹی الارم سسٹم، پیڈل ریلیز سسٹم (صرف آٹومیٹک ویرینٹ میں) اور سائیڈ-امپیکٹ پروٹیکشن بِیم شامل ہیں۔
فیصلہ
مقامی طور پر بننے والی دوسری کاروں کے مقابلے میں بہتر فیول اکانمی، طاقتور انجن، بہتر روڈ گرِپ، کمفرٹ اور بہتر بلڈ کوالٹی سوزوکی کی اس سیڈان کو خریدنے کی اہم وجوہات ہیں۔ لیکن، اسپیئر پارٹس کی قیمتیں اور ری سَیل مارکیٹ وہ دو اہم پہلو ہیں جنہیں پاکستانی صارفین سب سے زیادہ اہمیت دیتے ہیں۔ ان دو پہلوؤں سے سیاز نے اچھی پرفارمنس نہیں دکھائی۔ جب تک یہ مارکیٹ میں مضبوط برانڈ پہچان قائم نہیں کرتی، سوزوکی کو پاکستان میں سیاز فروخت کرنے میں مشکل پیش آئے گی۔ لِیانا کے چھوڑے گئے اثرات بھی پاکستان میں سیاز کو متاثر کر رہے ہیں۔
ایسی ہی دلچسپ کونٹینٹ کے لیے آتے رہیے اور اپنی رائے نیچے کمنٹس میں پیش کیجیے۔
