سوزوکی سوئفٹ کی قیمتوں میں اضافے کے امکانات

پاک سوزوکی نے فروری میں سوزوکی سوئفٹ کا نیا ماڈل لانچ کر کے سب کو حیران کر دیا۔ کمپنی نے گاڑی کو ایک بجٹ کار سے ایک پریمیم ہیچ بیک میں تبدیل کر دیا جس کی قیمت 25 سے 29 روپے ہے لیکن گاڑی میں دئیے گئے بہت سے فیچرز نے صارفین کو اپنی طرف متوجہ کیے ہوئے ہیں۔ غیر مصدقہ رپورٹس کے مطابق 2500 سے زائد خریداروں نے نئی کار کی بکنگ کرائی ہے۔

نئی سوزوکی سوئفٹ لانچ کے بعد ابھی بھی اپنی ابتدائی مدت میں ہے اور آنے والے دنوں میں گاڑی کی قیمتوں میں اضافے کے بارے میں اطلاعات ہیں۔ افواہ یہ ہے کہ سوزوکی سوئفٹ کے تینوں ویرینٹس کی قیمت میں 3 لاکھ روپے تک اضافہ کرنے کا منصوبہ بنا رہی ہے۔

اگر یہ افواہ سچ ہے اور سوزوکی سوئفٹ کی قیمتیں بڑھا دیتی ہے تو کیا وہ خریدار اس اضافے سے محفوظ رہیں گے جنہوں نے گاڑی پہلے سے بُک کر رکھی ہے؟ شاید ہاں، کیونکہ انہوں نے پوری قیمت اور 100 فیصد پیشگی ادائیگی پر بکنگ کی ہے۔

نئی سوزوکی سوئفٹ کی موجودہ قیمتیں

سوزوکی سوئفٹ 2022 کے تین مختلف ویرینٹس کی موجودہ ایکس ​​فیکٹری قیمتیں یہ ہیں۔

بیس ویرینٹ                      2499000 روپے          GL Manual 

مڈ ویرینٹ سوئفٹ                    2699000 روپے       GL CVT

ٹاپ ویرینٹ                       2899000روپے            GLX CVT

نئی سوزوکی سوئفٹ پاکستان میں ہمارے پاس اب تک کی بہترین سوئفٹ ہے۔ یہ خوبصورت، فیچرز سے بھرپور، محفوظ، طاقتور، بہترین فیول ایوریج والی گاڑی ہے اور اس قیمت میں آنے والی کسی سیڈان سے ہے۔ لیکن اگر سوزوکی قیمتوں میں اضافہ کرتی ہے تو ٹاپ ویرینٹ 30 لاکھ روپے سے تجاوز کر جائے گا۔ اس قیمت میں صارفین چار سیڈانز (ہنڈا سٹی، ٹویوٹا یارِس، چنگان ایلسوین، پروٹون ساگا) میں سے کسی ایک کا انتخاب کریں گے۔

مختصر یہ کہ فی الحال یہ سب محض قیاس آرائیاں ہیں۔ پاک سوزوکی کی جانب سے کسی بات کی تصدیق نہیں کی گئی۔ ہم امید کرتے ہیں کہ افواہیں سچ نہیں ہوں گی اور سوزوکی سوئفٹ پریمیم سستی کار ہی رہے گی۔ لیکن کچھ بھی ہو سکتا ہے۔ آئیے دیکھتے ہیں کہ سوزوکی پاکستان اس بارے کیا فیصلہ کرتی ہے۔