ٹویوٹا کی آف روڈر لینڈ کروزر نے عالمی مارکیٹ میں 70 سال پہلے قدم رکھا۔ آپ یہ جان کر حیران ہو جائیں گے کہ ٹویوٹا لینڈ کروزر کا آغاز اچھا نہیں تھا۔ ٹویوٹا لینڈ کروزر 1951 میں امریکن نیشنل پولیس ریزرو کو آفر کی گئی تھی لیکن انھوں نے ٹویوٹا لینڈ کروزر کو مسترد کرتے ہوئے میتسوبیشی کو لینڈ کروزر پر ترجیح دی۔ لینڈ کروزر نے اپنا سفر جاری رکھا اور آج یہ کامیاب ترین گاڑیوں میں سے ایک ہے۔ ٹویوٹا لینڈ کروزر کی 70 ویں سالگرہ منا رہی ہے۔ اس موقع پر ٹویوٹا 1970 کی سیریز لینڈ کروزر کا اسپیشل ایڈیشن جاری کر رہی ہے۔
لینڈ کروزر کے اس سپیشل ایڈیشن بارے خاص بات یہ ہے کہ آسٹریلیا میں اس طرز کی 600 گاڑیاں فروخت کی جائیں گی۔ جن میں 320 ڈبل کیب پِک اپس، 200 سنگل کیب ٹرکس اور 80 لینڈ کروزر ویگنز ستمبر 2021 میں فروخت کے لیے پیش کی جائیں گی۔
70ویں سالگرہ پر لینڈ کروزر کا سپیشل ایڈیشن:
70 ویں سالگرہ پر لینڈ کروزر کا جاری کیا جانے والا سپیشل ایڈیشن 1970 کی سیریز سے متاثر ہو کر متاثر ہو کر ڈیزائن کی گیا ہے ۔ یہ گاڑی دیکھنے میں باکس شکل کی پرانی گاڑی جیسی لگتی ہے جو کہ تین رنگوں فرنچ ونیلا، میرلوٹ ریڈ اور سینڈی ٹوپ میں پیش کی جائے گی۔ یہ گاڑی روایتی طور پر دیگر لینڈ کروزرز کی طرح آف روڈ ڈرائیو کیلئے بہترین ہے۔ اس گاڑی کے فیچرز اور دیگر تفصیلات تاحال سامنے نہیں لائی گئیں۔
گاڑی کے ایکسٹیرئیر کی بات کی جائے تو اس کا بمپر، ہیڈ لائیٹ بیزل اور فینڈر فلئیر بلیک رنگ کے ہیں۔ یہاں کالے رنگ میں 16 انچ کے الائے ویلز دیکھے جا سکتے ہیں جو گاڑی کو پرکشش بنانے کے لیے کافی ہیں۔
اسی طرح اٹیرئیر کو دیکھا جائے تو گاڑی کا انٹیرئیر بھی بلیک رنگ کا ہے۔ گاڑی کی سیٹس، سٹیرنگ کے گرد لپٹا لیدر کور اور گئیر شفٹ بھی کالے رنگ کا ہے۔ اس کے علاوہ گاڑی کے ڈٰش بورڈ اور سٹیرنگ پر لکڑی کا کام اندرونی خوبصورتی میں مزید نکھار لا رہا ہے۔
اس گاڑی میں 4500 سی سی ٹربوڈیزل V8 انجن دیا گیا ہے جو 203 ہارس پاور اور 430Nm ٹارک پیدا کرنے کی صلاحیت رکھتا ہے۔ یہ انجن 5 سپیڈ مینوئل ٹرانسمشن رکھتا ہے۔
آسٹریلینز لیںڈ کروزر کے اس سپیشل ایڈیشن کے سامنے آنے پر کافی خوش ہیں جبکہ دیگر ممالک میں صارفین نئی 300 سیریز لینڈ کروزر کی لانچنگ کا انتظار کر ہے ہیں۔ آپ پاکستان میں ہزاروں استعمال شدہ لینڈ کروزرز خرید سکتے ہیں۔ اس کے علاوہ آپ ٹویوٹا ڈیلرشپ کے ذریعے نئی گاڑی کی بھی درآمد کر سکتے ہیں۔
