گزشتہ کئی دنوں میں امریکی ڈالر کے مقابلے میں پاکستانی روپے کی قدر میں اضافہ دیکھا گیا ہے۔ جس کے بعد کار کمپنیز نے قیمتوں کی مد میں عوام کو ریلیف دینا شروع کر دیا ہے۔ کِیا لکی موٹرز اور ایم جی موٹرز کے بعد اب ٹویوٹا پاکستان نے اپنی گاڑیوں کی قیمتوں میں کمی کا اعلان کیا ہے لیکن یہ کمی اتنی نہیں ہوئی کہ ماضی میں جتنا قیمتوں میں اضافہ کیا گیا ہے۔
ٹویوٹا پاکستان (IMC) نے فارچیونر کی قیمت میں 13 لاکھ روپے کمی کردی ہے۔ کمپنی کی جانب سے قیمتیں کم کرنے کے بعد فارچیونر ویرینٹس کی نئی قیمتیں یہ ہیں۔
ٹویوٹا فارچیونر کی نئی قیمتیں
ٹویوٹا فارچیونر کی نئی قیمتیں یہ ہیں۔
- فارچیونر 7جی کی نئی قیمت 14499000 روپے جبکہ پرانی قیمت 15809000 روپے ہے۔ یعنی گاڑی کی قیمت میں 1310000 روپے کمی کی گئی ہے۔
- اسی طرح فارچیونر 7وی کی نئی قیمت 16999000 روپے ہے جبکہ پرانی قیمت 18099000 روپے تھی۔ یعنی گاڑی کی قیمت میں 1100000 روپے کمی کی گئی ہے۔
- فارچیونر سگما 5 ڈیزل کی قیمت میں 1080000 روپے کمی کی گئی ہے جس کے بعد گاڑی کی قیمت 19079000 روپے سے کم ہو کر 17999000 روپے ہو گئی ہے۔
- فارچیونر لیجنڈر ڈیزل کی قیمت 20129000 روپے سے کم ہو کر 18999000 روپے ہو گئی ہے۔ یعنی گاڑی کی قیمت میں 1130000 روپے کمی کی گئی ہے۔
- اسی طرح فارچیونر جی آر ایس کی قیمت میں 1190000 روپے کی کمی کی گئی ہے جس کے بعد گاڑی کی قیمت 21089000 روپے سے کم ہو کر 19899000 روپے ہو گئی ہے۔
شرائط و ضوابط
- یہ قیمتیں خالصتاً عارضی ہیں اور تبدیل بھی کی جا سکتی ہیں جو ڈیلیوری کے وقت قیمت لاگو ہوگی۔
- قیمتیں ٹرانسپورٹیشن، ٹرانزٹ انشورنس چارجز وغیرہ کے علاوہ ہیں، جو صارفین سے قابل اطلاق شرحوں پر وصول کی جائیں گی۔
- حکومتی محصولات اور ٹیکسوں (بشمول ایف ای ڈی، سیلز ٹیکس، سی وی ٹی وغیرہ)، ٹیرف، مالیاتی پالیسیاں، درآمدی پالیسیاں، فاریکس وغیرہ میں تبدیلی کی وجہ سے قیمت پر کوئی بھی اثر صارف سے وصول کیا جائے گا۔
