وفاقی ادارۂ تحقیقات (FIA)نے لاہور میں قائم دو کارخانوں پر چھاپہ مار کر مالکان کو گرفتار کرلیا ہے۔ ان کارخانوں میں مبینہ طور پر ہونڈا کے نام سے گاڑیوں کے پرزوں کی نقل تیار کی جارہی تھی۔
ذرائع کے مطابق ہونڈا ایٹلس کارز پاکستان کی شکایت پر وفاقی ادارہ تحقیقات نے لاہور کے علاقے گجر پورا میں موجود منہاس آٹو انڈسٹریز اور باغبان پورا میں موجود نائس آٹو فیکٹری پر چھاپہ مارا۔ دونوں ہی کارخانوں میں غیر قانونی طور پر ہونڈا کے نام سے مختلف گاڑیوں کے پرزے تیار کیے جارہے تھے۔ FIA نے دونوں کارخانوں سے گاڑیوں کے غیر قانونی پرزے برآمد کیے جن کی لاگت لاکھوں روپے میں بتائی جاتی ہے۔
یہ بھی پڑھیں: لاہور میں نئی ایئر کنڈیشن بس سروس کی شروعات
وفاقی ادارہ تحقیقات نے ان کارخانوں کے مالکان کے خلاف کیس درج کر لیے ہیں۔ یہ کیسز 66/A اور 67/CRO 1962 کے تحت 125/16 اور 126/16 کے نمبر سے درج کیے گئے ہیں۔
