گاڑی کے لیے پیسے جمع کرنے کے بعد سب سے مشکل اور اہم مرحلہ من پسند گاڑی کا انتخاب ہوتا ہے۔ ہیچ بیک، سیڈان اور دیگر طرز کی گاڑیوں میں سے ایک کا چناؤ تو اکثر ضرورت کے مطابق کیا جاتا ہے لیکن رنگوں کے معاملے میں لوگ اپنی پسند ہی کو ترجیح دیتے ہیں۔ مجھ سے پوچھیں تو میرے خیال میں رنگوں کا انتخاب شخصیت کا آئینہ دار ہوتا ہے اور آپ کی گاڑی کا رنگ دیکھ کر بخوبی اندازہ لگایا جاسکتا ہے کہ آپ شائستہ مزاج ہیں یا پھر شوخ و چنچل طبیعت کے مالک ہیں۔ کچھ لوگوں کا یہ بھی خیال ہے کہ سفید گاڑیوں کے مقابلے میں سیاہ گاڑیاں بہت سادہ بھی ہوتی ہیں۔ جبکہ بعض لوگ یہ بھی کہتے ہیں کہ کالے رنگ کی گاڑیاں زیادہ پرکشش نہیں ہوتیں اور یہ رنگ حدت کو جذب کرتا ہے جس سے گرمی کا احساس بڑھ جاتا ہے۔اب سے کچھ عرصہ پہلے مشہور ویب سائٹ بزفیڈ کی جانب سے ایک ویڈیو پیش کی گئی تھی جس میں اسی نکتے سے متعلق دلچسپ حقائق بیان کیے گئے ہیں۔ آئیے وہ ویڈیو دیکھتے ہیں اور جانتے ہیں کہ کیا واقعی گاڑی کے رنگ اور گرمی کی شدت میں کوئی تعلق ہے یا نہیں؟
پاک ویلز کے ذریعے اپنی پسندیدہ گاڑی پاکستان منگوانے کے لیے یہاں کلک کریں
