چکوال کی تاریخ میں پہلی بار ضلع میں ایک زبردست جیپ ریلی منعقد ہوئی کہ جس میں جیپ اور ڈیزرٹ ریسرز کی بڑی تعداد نے شرکت کی۔
7 اپریل 2019ء کو ہونے والی پہلی دو روزہ لیک ڈسٹرکٹ چکوال 4 جیپ ریلی کا اہتمام مشہور چولستان جیپ ریلی کی طرز پر کیا گیا، جو 2005ء سے منعقد ہو رہی ہے اور انٹرنیشنل ریسرز سمیت ہزاروں افراد کی توجہ حاصل کرتی ہے۔ چکوال، جسے ‘لیک ڈسٹرکٹ’ کے طور پر بھی جانا جاتا ہے، 26 خوبصورت جھیلوں کا مسکن ہے، جو اب تک ضلع سے باہر بہت زیادہ مشہور نہیں ہیں۔
فاتحین
یہ ایونٹ ٹؤراِزم ڈیولپمنٹ کارپوریشن پنجاب (TDCP) اور مقامی انتظامیہ کے تعاون سے منعقد ہوا تھا۔ TDCP نے ریلی کے لیے 22 کلومیٹر طویل ٹریک بھی تیار کیا۔ ایونٹ جو ریس کے دلدادہ افراد کی ٹیم کی مدد سے کامیاب ہوا، چکوال جیپ ریلی بنیادی طور پر راجہ یاسر ہمایوں کا خیال ہے، جو ضلع کے رکن صوبائی اسمبلی ہیں اور پنجاب میں اعلیٰ تعلیم اور سیاحت کے موجودہ وزیر بھی ہیں۔
وزیر سیاحت زیادہ سے زیادہ ریس کے شوقین افراد کو چکوال لا کر ضلع کی معیشت کو بہتر بنانے کی امید رکھتے ہیں، جس کے نتیجے میں کاروبار اور تجارت کے مزید مواقع پیدا ہوں گے۔ مزید یہ کہ وہ امید کرتے ہیں کہ یہ ریلی مقامی افراد کو تفریح کا ایک اور ذریعہ بھی فراہم کرے گی۔
مختلف سائز کی کئی جیپیں چکوال کے ریتیلے راستوں پر خطرناک رفتار سے گزرتی دیکھی گئیں جو بڑی تعداد میں آنے والے مقامی افراد کے لیے ایک شاندار نظارہ فراہم کر رہی تھیں۔
آپ اس ایونٹ کی مزید تصاویر یہاں دیکھ سکتے ہیں: https://www.pakwheels.com/forums/t/tdcp-1st-lake-district-chakwal-4×4-challange-2019/1055999
