یہ تحریر آپ کو کار کے سسپینشن چیک کرنے کا طریقہ سمجھنے میں مدد دے گی۔ عام طور پر سسپینشن سسٹمز کی دو قسمیں ہوتی ہیں: انڈیپنڈنٹ اور نان-انڈیپنڈنٹ سسپینشن سسٹم۔ انڈیپنڈنٹ سسپینشن سسٹم میں ایک طرف کے سسپینشن پر پڑنے والا اثر دوسری جانب منتقل نہیں ہوتا۔ البتہ نان- انڈیپنڈنٹ سسپینشن سسٹم میں ایک طرف پڑنے والے اثرات پورے سسپینشن سسٹم پر نظر آتے ہیں۔
کسی بھی گاڑی کا سسپینشن مختلف پرزوں پر مشتمل ہوتا ہے۔ اس کے چند اہم پرزے ٹائی راڈ (tie rods) اور ریک اینڈ (rack end) ہیں۔ ریک اینڈ ایک بال جوائنٹ (ball joint) سے جڑا ہوتا ہے جو ایک ربڑ بُوٹ (rubber boot) میں بند ہوتا ہے۔ ربڑ بُوٹ بال جوائنٹ کو گرد و غبار سے بچاتا ہے تاکہ بال جوائنٹ کے گھومنے کے دوران کم سے کم رگڑ پیدا ہو۔ سسپینشن کے رواں اور مؤثر انداز میں کام کرنے کے لیے ان تمام پُرزوں کا بہترین حالت میں ہونا ضروری ہے۔ سسپینشن میں ایک اور اہم چیز لوئر آرم (lower arm ) ہے۔ لوئر آرم کی حالت جانچنے کے لیے اس کی پیمائش کی جاتی ہے۔ لوئر آرم کے bushings بھی چیک کیے جاتے ہیں۔
لوئر آرم کے نچلے حصے میں ایک بال جوائنٹ ہوتا ہے سسپینشن کے پورے وزن کو سنبھالتا ہے۔ ریک اینڈز پر ڈسٹ کوَرز (dust covers) بھی ہوتے ہیں جو انہیں محفوظ رکھتے ہیں۔ سسپینشن سسٹم کی مجموعی حالت کا اندازہ لگانے کے لیے انہیں بھی چیک کیا جاتا ہے۔ شاک ایبزاربرز (Shock absorbers) بھی بالائ حصے میں ڈسٹ کوَرز کا معائنہ کرکے چیک کیے جاتے ہیں۔
ٹائی راڈ ایک طرف اسٹیئرنگ اسمبلی (steering assembly) اور دوسری جانب نکل اسمبلی (knuckle assembly) سے جڑا ہوتا ہے۔ ٹائی راڈز گاڑی پر زیادہ سے زیادہ کنٹرول کو یقینی بناتے ہیں اور ان کا بہترین کنڈیشن میں ہونا بہت ضروری ہے۔ اس بات کو یقینی بنائیں کہ ٹائی راڈز اپنی بالکل درست جگہ پر ہوں اور اس کے لیے cotter pins کا استعمال کیا جاتا ہے۔ ہمیشہ یقینی بنائیں کہ آپ نئی cotter pin استعمال کر رہے ہیں۔ اگر آپ گاؤں دیہات کے خراب راستوں پر گاڑی چلاتے ہیں تو نچلے حصے کی bushings جلدی ٹوٹ جاتی ہیں۔
مارکیٹ میں دستیاب شاک ایبزاربرز دو قسم کے ہیں: آئل فِلڈ (oil-filled) اور ہائیڈرولک شاکس(hydraulic shocks)۔ آئل فلڈ شاکس گیس فلڈ (gas-filled) شاکس کے ساتھ بھی آتے ہیں۔ آئل فلڈ شاک ایبزاربرز میں سیل (seal) کا ٹوٹنا عام ہے۔ عام طور پر ایسا وقت گزرنے کے ساتھ ساتھ یا گاڑی کے فاصلے طے کرنے کے ساتھ ہو جاتا ہے۔ سڑکوں کی بُری حالت اس سیل کی لیکیج کا سبب بن سکتی ہے۔ جب بھی شاک ایبزاربرز خراب ہو، اس امر کو یقینی بنائیں کہ ان کی مرمت کروانے کے بجائے انہیں نیا لگوایا جائے۔
آپ کی گاڑی کس طرح کام کرتی ہے؟ یہ سمجھنے میں مدد دینے والے ایسے ہی مزید معلوماتی مواد کے لیے پاک ویلز پر آتے رہیں۔ اپنی رائے نیچے تبصروں میں دیجیے اور ہمیں بتائیے کہ سسپینشن سسٹم کے بارے میں آپ کی معلومات میں کتنا اضافہ ہوا۔
