رحمت گروپ نے چین کی معروف الیکٹرک گاڑیوں کی کمپنی BYD کے ساتھ پاکستان میں EVs اسمبل کرنے کے معاہدے پر دستخط کردیے ہیں۔
پاکستان میں آٹوموبائل شعبے نے ایک مرتبہ پھر ایک سنگِ میل عبور کرلیا ہے اور اس مرتبہ ملک میں الیکٹرک گاڑیاں آ رہی ہیں۔ دنیا بھر میں الیکٹرک گاڑیوں کی زبردست مقبولیت کو دیکھتے ہوئے مختلف سرمایہ کار پاکستان میں یہ ٹیکنالوجی لانے کے خواہشمند ہیں۔ اس ضمن میں رحمت گروپ نے BYD کے ساتھ ملک میں الیکٹرک گاڑیوں کی اسمبلنگ اور کسی حد تک مینوفیکچرنگ کے لیے معاہدہ کیا ہے۔
دونوں کمپنیوں کے درمیان یہ جوائنٹ وینچر پاکستان میں آٹو سیکٹر کی بہت بڑی کامیابی ہے۔ چینی مینوفیکچرر گاڑیاں، وین، کوچ اور بسیں اسمبل کریں گے اور مت بھولیں کہ بیٹریاں، چارجرز اور دیگر متعلقہ مصنوعات بھی۔ شوکت قریشی، CEO رحمت گروپ، کے مطابق کمپنی نے EVs کے فوائد سے وزیر اعظم پاکستان عمران خان کو بھی بذریعہ خط آگاہ کیا ہے۔
اس خط میں یہ بھی بتایا گیا ہے کہ EVs کے ذریعے لوگ بہت پیسہ بچا سکتے ہیں۔ ملک بھر کے موٹر سائیکل مالکان ہر ماہ 4000 روپے تک کی بچت کر سکتے ہیں۔ اسی طرح کار یا لائٹ کمرشل گاڑی (LCV) استعمال کرنے والا کوئی بھی فرد 25,000 سے 30,000 روپے تک ماہانہ بچا سکتا ہے۔ الیکٹرک گاڑیوں کو کسی ایندھن کی ضرورت نہیں ہوتی یعنی مرمت کی لاگت صفر ہو جانے کا بھی فائدہ ہے جو عوام کے لیے کافی بچت ہے۔ اس کے علاوہ بسوں اور کوچز کے استعمال پر ماہانہ 3,00,000 سے 5,00,000 روپے تک بچائے جا سکتے ہیں۔ واضح رہے کہ EVs ایندھن کا اخراج نہ ہونے کی وجہ سے ماحول کو آلودگی اور عالمی حدّت سے بھی بچاتی ہیں، جو پاکستان میں وقت کی بڑی ضرورت ہے۔
CEO رحمت گروپ نے مزید کہا کہ BYD دنیا بھر میں وسیع نیٹ ورک رکھتا ہے۔ ادارہ اس وقت دنیا کے 6 براعظموں کے 50 سے زیادہ ملکوں کے 200 سے زائد شہروں میں کام کر رہا ہے۔ البتہ چینی الیکٹرک گاڑیاں بنانے والے کی سب سے بڑی مارکیٹ امریکا ہے جبکہ یورپ دوسرے نمبر پر ہے۔ BYD گاڑیاں بنانے کی 40 سائٹس کی 30 شاخوں میں 2,30,000 کی بڑی افرادی قوت رکھتا ہے۔ اس مینوفیکچرر کی ساکھ تنی ہے کہ یہ دنیا کی 15 کمپنیوں سے ایک ہے جو آٹوموبائل صنعت میں انقلاب لا رہی ہیں۔ BYD پاکستان میں معروف تیل کمپنی ٹوٹل پارکو کے تعاون سے چارجنگ اسٹیشنز بھی بنائے گا۔
پاکستان میں آٹوموٹو انڈسٹری کی اس تازہ ترین پیشرفت پر آپ کا ردعمل کیا ہے؟ ہمیں تبصروں میں ضرور بتائیں اور ایسی ہی خبروں کے لیے پاک ویلز پر آتے رہیں۔
